«turon-iqbol»

Ilk qadam
Kechirim so‘rasin.
“Kerakligim” deb aytsin deding.
Mag‘rurlik qilding.
 Bilmadingki, er kishining egilgani O‘lgani edi.
Keyin esa, Sendan maktub oldim. To‘g‘rirog‘i maktubsiz 
konvert. Oppoq konvert. Ichiga... chiroyli, bejirim, nafis Taklif-
noma solingan konvert.
Keyin hammasi Tamom bo‘ldi.
O‘zimnida yo‘qotib qo‘ydim
Menda  rashk  va  (muhabbat  emas,  yo‘q,  yo‘q)  O‘zimga 
aylangan Sen qolding. Seeeen!
Qiziq, Senda-chi?
Senda, bu dahshatli qarorni qabul qilayotganingda, Menga 
nisbatan nedir qolganmidi?
U o‘zi bo‘lganmidi?!
Ayt!
Arazni, g‘ururni bir chetga surib qo‘yib, “nimadir” bor edi 
deb.
Endi sukut saqlashning foydasi yo‘q-ku, axir. 
Ayt!
 Sendan olisda, Sen-la yashagan 7 yillik (!) umrim, Sevgim... 
izsizlik qa’riga singib ketmaganligini...
Ayt!
 

---

69
Ilk qadam
Jovliyeva Dildora Orol qizi 1999-yil Sa-
marqand viloyati Nurobod tumani Jom qish-
log‘ida tug‘ilgan. She’rlari bir qator gazeta, 
jurnallarda chop etilgan. Samarqand yosh 
ijodkorlar Kengashi hududiy koordinatori.
ONA
Alloh suygan banda suyukli inson,
Zulflari yarashgan gul yanog‘ida.
Jilmayib dunyoni etar nurafshon,
Yashasin yaxshilar qalb ardog‘ida.
Mehrga burkaydi har bir tonglarni, 
Yuraklarga ekib umid gullarni.
Ko‘ngillardan sirli joy olar sekin,
Robbim, o‘zing asra ojiz hurlarni.
Yerdagi farishtam qalbim ardog‘i,
Yuragimda go‘zal gulim bir dona.
Allohga suyukli elga suyukli,
Meni bor dunyoyim baxtimsiz ona.
ICHIMDA QOLDI…
Xayr deding tinglamading so‘z,
Tuyg‘ularim dilimda qoldi. 
Sirdosh bo‘ldi hazon bosgan kuz, 
Sevgim meni ne kuyga soldi. 
“Xayr” deding, o‘girilding ketding,
Ortingdan jim boqgancha qoldim.

---

70
Ilk qadam
Oh yuragim aldangan deding, 
Ovutolmay juda ham toldim.
Xayr deding so‘ngsiz bir sarob, 
Armonlarni quchoqlab oldim. 
Dunyolarim etding-ku xarob, 
Oshiq ko‘nglim Xudoga yordim. 
Xayr deding, eh o‘zing bilan, 
Olib ketding bahorlarimni. 
Mehr berib suyganim bog‘dan, 
Yig‘ib oldim xazonlarimni. 
Xayr deding kelibgina jim, 
Alvidoni sezgandi ko‘nglim. 
Xo‘rsingancha xohlamaygina, 
Xayr dedim men ham sevgilim. 
Xayr deding.........
Xayr dedim jim...
BAXT
Bellarida madori yo‘q,
Ko‘zlarida nuri qochdi.
Sochlariga oq oralab, 
Keksalikka quchoq ochdi.
Zahmatlarda sinaldi ko‘p, 
Yuragiga gardlar qo‘ndi. 
Keldi yaxshi yomon kunlar,
Bir tabassum bilan yengdi.

---

71