«turon-iqbol»

O‘zbekiston Yozuvchilar uyushmasi 
Samarqand viloyat bo‘limi rahbari
T. Tugalov

---

6
Ilk qadam
ISTE’DODLI YOSHLAR  
KO‘PAYAYOTGANIDAN QUVONAMAN
Ijod... Bu ulug‘ “ish” qo‘liga qalam olib, ushbu sirli oshi-
yon bilan sirlashmoqni istagan yurakni hayot zavqidan bah-
ramand bo‘lishga, yashamoq shavqini ko‘ngil tug‘yonlari ila 
go‘zallashtirib, satrlarga singdirmoqlikka chorlaydi. Eng muhimi, 
ulug‘vorlik, intiluvchanlik, izlanuvchanlikka undaydi shuurni. 
Darvoqe, so‘z zalvori og‘ir, uning yukini faqat yuragi yo-
niq, tun-u kun “so‘z ichadigan, so‘z kechadigan” ko‘ngilgina 
ko‘tara oladi. Va shu asnoda ijod mashaqqatini zimmasiga oladi. 
Ayniqsa, yoshlar ijodini kuzatar ekanman, yurtimizda ana shu 
zalvorni mardonavor ko‘tarib, izlanib, “ijod maydoni”ga dadil 
kirib kelayotganlari ko‘pligidan quvonaman. Shu o‘rinda aytib 
o‘tish joizki, davlatimiz rahbarining yoshlar iqtidorini to‘la namo-
yish eta olishlariga qaratilgan beshta tashabbusning taklif etilishi 
ham ayni muddao bo‘ldi. Ana shu yo‘nalishning biri san’atning 
boshqa turlari qatorida adabiyot, ijod sohasida iqtidorli yoshlarni 
aniqlash va ularni qo‘llab-quvvatlashga qaratilgani bu sohada 
yangi qobiliyatlarni kashf etdi.
Samarqand viloyati “Yosh ijodkorlar kengashi”, viloyat-
ning Past Darg‘om tumani “Past Darg‘om haqiqati” gazetasi 
qoshida tashkil etilgan “ Iste’dod”, tuman “Barkamol avlod” 
bolalar maktabi qoshida faoliyat yuritayotgan “ Yosh jurnalist 
va notiq” to‘garagi a’zolaridan Saydalixon Yoqubjonov, Abbos 
Shodmonqulov, Ilhom Narzullayev, Muhiddin Zayniddinov, 
Marjona Qobilova, Odiljon Rashidov, Nilufar Norqobilova, 
Nurxon Xidirova,  Oydin Toshquvvatova, Dildora Yo‘ldoshe-
va, Rahmatilla Murodqulov, Yulduz Abdusamad qizi kabi ijod 
sir-asrorlarini yaxshishiga o‘zlashtirib olgan ijodkorlarning maz-
munli,  his-tuyg‘ulari go‘zal tarzda ifoda etilgan satrlarini o‘qir 
ekansan, beixtiyor adabiyot, she’riyatning kelajagi mana shunday 
so‘z egalari bilan porloq bo‘lishiga ishonasan. 

---

7
Ilk qadam
Yuqorida nomlari zikr etilgan yosh ijodkorlarning she’rlari, 
badihalari, fikr-mulohazalari  ushbu “Ilk qadam” deb atalmish 
adabiy-badiiy almanaxdan joy olayapti. Ishonamizki, ilk qadam-
lardan ulug‘lik ildiz otib, buyuklikka iz soladi. Ushbu kitob 
ehtimol  kamchiliklardan xoli emas. Ammo yurt dovrug‘ini jahon 
adabiyoti maydonlariga olib chiquvchi buyuklar ham  yosh ijod-
korlar orasidan chiqadi.