«turon-iqbol»

Ilk qadam
BAXTIM
Munkib ketdi yo‘llarda baxtim 
Yoki dardlar ketdimi arib,
Menchi, hamon daydib yuribman
G‘arib...
Hamma ketdi ortga qayrilmay,
Hamma ketdi indamay nari
Axir bari yaxshi ediku 
Ilgari...
ONA
Tin olmagan dilbandlari-chun
Tushlik tayyor, sarishta xona.
Tong otgandan botgunicha kun
O‘zin g‘amin yemagan Ona.
Injiqligin kim ko‘taradi,
Kim boshini silaydi yana.
Umidlarin, berib qo‘rini
Farzandim deb o‘stirgan Ona.
Bugun bari, bari menda bor,
Hayotimchi misli shohona.
Sizsiz, sizning duoingizsiz
G‘arib, miskin insonman Ona!
* * *
Ne qilasan, o‘zga g‘amin yeb inson,
Kuymas o‘zga tikon kirsa tanangga,
Kimga qilsam deb o‘ylama bu oson
Yaxshilikni onangga qil, onangga!

---

11
Ilk qadam
Yoqubjonov Sayidalixon Umidjon o‘g‘li 
1996-yil 26-mayda Farg‘ona viloyati 
Qo‘shtepa (Oxunboboyev) tumanida tug‘il-
gan. 2002-yil sentyabr oyida Farg‘ona viloya-
ti Qo‘shtepa tumani Xalq ta’limi bo‘limiga 
qarashli 23-umumiy o‘rta ta’lim maktabini 
bitirib, Farg‘ona Soliq Kollejini tamomlagan. 
Hozirda Ichki ishlar vazirligi Xalqaro aero-
portlarda xavfsizlikni ta’minlash qo‘shinlari Samarqand alohida 
qo‘riqlash bataloni 7252-sonli harbiy qismda shartnoma asosi-
dagi harbiy xizmatni o‘tab kelmoqda. Samarqand yosh ijodkor-
lar Kengashi raisi o‘rinbosari.
HARBIYLAR
Dono o‘zbeklarga hech kim yetolmas, 
Harbiylar xalqidan boshqasin demas, 
O‘zbek o‘ziga bekdir deganlari rost, 
Bunday kuchli yurtni hech kim yengolmas!
Vatan tinchligini saqlaymiz bizlar, 
Xalqning ishonchini oqlaymiz bizlar, 
Postlarda sergakmiz yurt qo‘riqchilar, 
Xizmatda hamisha Qurolli kuchlar! 
Lochinmiz, Qalqonmiz, bor yana Burgut, 
Chegara qo‘shini bor, chegaramiz but.
Davlat xavfsizlikmiz, ham Mudofaamiz, 
Har qanday kuchlarni bizlar yengamiz!

---

12