«turon-iqbol»

Ilk qadam
* * *
Ko‘zyoshlar...
Jonimni o‘rtaydi har bitta tomchi,
Yurakda izi yo‘q alamli dardlar.
Ko‘zlarim bahordan bo‘ladimi elchi,
Ko‘ksimdagi gulga quyildi yoshlar. 
Ko‘zyoshlar...
Tun va tong oralab daydigan ko‘ngil, 
Chamanzor izlaydi kapalak misol. 
Qahrli so‘zlardan ozor chekkan dil, 
Bir sirdosh tilaydi tillarida bol.
Ko‘zyoshlar...
Alamda bitilgan qayg‘uli ash’or,
Necha ming kishining ko‘ngil dardlari.
Oltinchi bahorin ko‘rolmay ketgan, 
Gul qizning onaga yozgan xatlari.
Ko‘zyoshlar...
SEVGI
Sevgi kemamizni yolg‘iz yuborib,
Ikkimiz sohilda ajraldik mana.
Samoni to‘ldirgan oqqushlar qolib,
Qora qarg‘alarga boqamiz yana.
Sevgilim Layli-yu Majnun bo‘ldikmi?
Savolni o‘zga beraman qayta.
Yokida armonni dilga tuydikmi,
Yolg‘on ertaklarni quloqqa ayta.

---

73
Ilk qadam
Yashadik aldanib oy-u yillarga,
O‘tdi necha kuz necha qish bahorlar.
Sarson kezgan sevgi tariximizni,
Aytsak endi faqat tinglar anhorlar.
Sevgilim, Layli-yu Manjnun bo‘ldikmi?
ILK BOR
Bugun yuragimda unutilmas kun,
Sevgimiz o‘ldi-yu mozori qoldi.
Dardimni qog‘oz ham qabul qilmasdan,
Qalam ham havoda muallaq qoldi.
Qurigan daraxtning holini ilk bor,
His etdim qalbimga qadaldi nastar. 
Dunyoda hamma haq ekan onajon,
Shundan yuragimda ul sevgim yig‘lar.
AYT, MENI…
Sirli boqib qo‘yasan zimdan,
Ko‘zlaringga yashirib neni. 
Yuragimda tug‘ilar savol,
Sevasanmi aytgil sen meni?
She’rlar yozar emishsan ba’zan, 
Marvariddek terib ismimni.
Xayolimni band etding bugun,
Sevasanmi aytgil sen meni?
Nigohlaring aqlimni oldi,
Tuyg‘ular mast aylar yurakni.
Savollar-la dil yolg‘iz qoldi,
Sevasanmi aytgil sen meni?

---

74