«turon-iqbol»

Ilk qadam
Ber sabrning mukofotin,
Ka’baga bosh urish baxtin. 
Nasib etdi go‘zal Robbim, 
Buyuk ayol buyuk taxtin. 
QALAM
Sahargi tumanlar ichra adashdim, 
She’rga tashna yuragim har on. 
So‘z sehri yonadi qalbimda unsiz, 
Tuyg‘ular chorlaydi quchog‘i tomon.
Maftun etar meni o‘tkir nigohlar, 
So‘ngsiz orzularni dilga joylayman. 
Manziling qayda deb so‘rmang odamlar,
Qay tomon borishim o‘zim bilmayman. 
Faqat yuragimda otashin tuyg‘u,
Qo‘lga qalam berib yoz deb qistaydi.
Gohida nedandir keladi qayg‘u,
Ko‘nglim yonib kuymoq istaydi. 
So‘zlarning hajrida devona ko‘ngil, 
Vasl onin kutar tun-u tong aro. 
Yurak darchasin ochaman bir-bir, 
Rango rang jilolar beradi oro. 
Hayotimda yonar buyuklik shami, 
So‘zlardan bo‘ynimga iladi marjon.
Tumanlar qo‘ynida adashganimga,
Shukurlar aytaman har lahza har on. 

---

72