Turnikka aylanib chiqish

Oyoqlar harakati
Chalqancha suzishda oyoqlar harakati kursantni oldinga harakatlanishini ta’minlaydi va tanani gorizontal holatda ushlash imkonini beradi. Oyoqlar tos-son bo‘g‘imidan boshlab vertikal yassilikda birin-ketin yuqoridan pastga va pastdan yuqoriga harakatlanib, tizza va boldir-panja bo‘g‘imlarida bukilib yoziladi. Ularning harakat amplitudasi 50-60 santimetrni tashkil etadi.

-rasm. Chalqancha suzish

Qo‘llar harakati
Son oldida eshishni yakunlab qo‘l tirsak bo‘g‘imida to‘g‘rilanib suvdan ko‘tariladi va havodan oldinga o‘tkaziladi. Shu vaqtda yelka biroz ko‘tariladi. Qo‘lni havodan o‘tkazish vaqtida kaft-panja bo‘sh holatda, suvga kirishdan oldin tashqariga aylantiriladi. Keyin eshiladi. Bunda kaft «belkurak»ka o‘xshab bukilgan bo‘ladi. Eshish vaqtida qo‘lni suvga kirishi 15-20 santimetrdan oshmasligi kerak.
Nafas
Qo‘l suv ustida harakatlanayotgan vaqtda og‘iz katta ochilib nafas olinadi, nafas chiqarish esa uning suvdagi harakati paytida amalga oshiriladi. Nafas olish va chiqarish uzluksiz bo‘lishi kerak.
BRASS USULI
Dastlabki holatda tana suv ustida (ko‘krakda) gorizontalga yaqin yotadi, qo‘llar oldinga cho‘zilgan, kaftlar pastga qaratilgan, oyoqlar cho‘zilgan va birlashtirilgan, oyoq uchlari cho‘zilgan.
Dastlabki holatdan kaft-panjalar tashqariga ochiladi, keyin ikkala qo‘l bir vaqtning o‘zida yonga va biroz chuqurlikka yelka chizig‘iga eshishni boshlashadi
Eshishni oxirida qo‘llar tirsak bo‘g‘imida bukiladi, tirsaklar pastga tushiriladi, kaftlar yaqinlashadi va qo‘llar dastlabki holatga qaytariladi.
Bu vaqtda oyoqlar tizza va tos-son bo‘g‘imlarida bukiladi, keyin tovonlar va boldirlar yonga ochiladi. Qo‘llar cho‘zilgan vaqtda oyoqlar yonga orqaga va bir-biri tomon qizg‘in eshishni bajarishadi. Eshishdan keyin tana oldinga dastlab holat tomon sirpanadi (-rasm). Qo‘llar bilan eshishni boshlaganda og‘iz bilan nafas olinadi, harakatning boshqa vaqtlaarida nafas chiqariladi.
Brass usuliga o‘rgatish tartibi xuddi qo‘llarni chiqarmay ko‘krakda suzishdek.