Turizm va mehmonxona xo’jaligi” kafedrasi o’zbekiston iqtisodiyoti fani bo’yichA

O‘zbekistonda kichik biznes korxonalari rivojlanishining asosiy ko‘rsatkichlari

Yillar	Kichik biznesning YAIMdagi ulushi, %	Faoliyat ko’rsatayotgan kichik biznes sub’ektlari soni, ming birlik	Kichik biznes va xususiy tadbirkorlikda band bo‘lganlar soni, mln. kishi	Kichik biznes va xususiy tadbirkorlikning iqtisodiyotda band bo’lganlar umumiy sonidagi ulushi, %
2000	31,0	99,4	4,5	49,7
2005	42,1	100,8	6,6	64,8
2010	52,5	164,1	8,6	74,3
2015	56,5	226,0	10,2	77,9
2016	56,9	218,2	10,4	78,2

*Fermer va dehqon xo‘jaliklari soni hisobga olinmagan
Kichik biznes va xususiy tadbirkorlik sohasiga davlat tomonidan katta e’tibor berilishi hamda qo‘llab-quvvatlanishi natijasida kichik biznes korxonalari soni 2000-yilda 99,4 mingtadan 2016-yilda 218,2 mingtaga yetdi va 2,2 martaga ko‘paydi. Kichik korxonalar sonining o‘sishi va ularda sifat o‘zgarishlarining yuz berishi mamlakat yalpi ichki mahsulotida kichik biznes ulushining oshishiga olib kelmoqda. Xususan, 2000-yilda yalpi ichki mahsulotning qariyb 31 foizi iqtisodiyotning faol rivojlanib borayotgan ushbu sektori ulushiga to‘g‘ri kelgan bo‘lsa, 2016-yilda bu ko‘rsatkich 56,9 foizni tashkil etdi yoki 2000-yilga nisbatan 25,9 foizga o‘sdi.

Kichik tadbirkorlik aholini ish bilan ta’minlashda muhim ahamiyatga ega. Tahlillar shuni ko‘rsatadiki, 2000-yilda O‘zbekistonda kichik tadbirkorlik sektorida 4,5 mln kishi band bo‘lgan bo‘lsa, 2016-yilga kelib bu ko‘rsatkich 10,4 mln kishiga yetdi, ya’ni tahlil qilinayotgan davr mobaynida ushbu sektorda band bo‘lganlar soni 2,3 martaga ko‘paydi. Buning natijasida ish bilan band aholining 2016-yilda 78,2 foizi aynan kichik biznes va xususiy tadbirkorlik sohasiga to‘g‘ri keldi.