Turdikulova gulshad nurmamatovnaning

Biznes birlashuvi operatsiyasining qismini nima tashkil etishini aniqlash
51 Sotib oluvchi va sotib olinuvchi biznes birlashuvi bo’yicha muzokaralar boshlanishidan avval mavjud bo’lgan aloqaga yoki boshqa kelishuvga ega bo’lishlari mumkin, yoki ular muzokaralar davomida biznes birlashuvidan alohida bo’lgan kelishuvni tuzishi mumkin. Har ikki vaziyatda, sotib oluvchi har qanday summalarni aniqlashi lozimki, qaysiki sotib oluvchi bilan sotib olinuvchi (yoki uning sobiq mulk egalari) biznes birlashuvida ayirboshlaganlarning qismi hisoblanmaydi, ya’ni sotib olinuvchi uchun ayirboshlashning qismi bo’lmagan summalardir. Sotib oluvchi sotib olish usulini qo’llashning qismi sifatida faqatgina sotib olinuvchi uchun o’tkazilgan tovonni va sotib olinuvchi evaziga sotib olingan aktivlarni va zimmaga olingan majburiyatlarni tan olishi lozim. Alohida operatsiyalar o’rinli MHXSlarga muvofiq hisobga olinishi lozim.
52 Birlashuvdan oldin sotib oluvchi tomonidan yoki uning nomidan, avvalambor sotib olinuvchi (yoki uning sobiq mulk egalari) manfaati uchun emas, balki avvalambor sotib oluvchi yoki birlashgan tadbirkorlik sub’ekti manfaati uchun tuzilgan bitim ehtimol alohida operatsiya bo’lishi mumkin. Quyida sotib olish usulini qo’llashda kiritilishi lozim bo’lmagan alohida operatsiyalarga misollar keltirilgan:
(a) pirovard natijada sotib oluvchi bilan sotib olinuvchi o’rtasida avval mavjud bo’lgan aloqalarni hal etadigan operatsiya;
(b) sotib olinuvchining xodimlariga yoki sobiq mulk egalariga kelgusi xizmatlar uchun haqlarni ta’minlaydigan operatsiya; va
(v) sotib oluvchining sotib olish bilan bog’liq xarajatlarini to’lash uchun sotib olinuvchi yoki uning sobiq mulk egalari amalga oshirgan to’lovni qoplaydigan operatsiya.
B50-B62 bandlar tegishli qo’llash yo’riqnomasini ta’minlaydi.
Sotib olish bilan bog’liq xarajatlar
53 Sotib olish bilan bog’liq xarajatlar sotib oluvchi biznes birlashuvni amalga oshirish uchun sarflaydigan xarajatlardir. Ushbu xarajatlar vositachining haqlarini: maslahat, yuridik, buxgalterlik, baholash va boshqa malakali yoki konsalting haqlari; umumiy ma’muriy xarajatlarni, jumladan ichki sotib olish bo’limlarini saqlash xarajatlarini; va ro’yxatga olish hamda qarz va ulushli qimmatli qog’ozlarini chiqarish xarajatlarini o’z ichiga oladi. Sotib oluvchi sotib olish bilan bog’liq xarajatlarni ular sarflangan va xizmatlar qabul qilingan davrlarda xarajatlar sifatida hisobga olishi lozim, bunda bir istisno mavjud. Qarz va ulushli qimmatli qog’ozlarini chiqarish xarajatlari BHXS 32 va MHXS 9 ga muvofiq tan olinishi lozim.