Turdikulova gulshad nurmamatovnaning

O’tish sharti
65 Sotib olish sanalari mazkur MHXS ning qo’llanilishidan oldin keladigan biznes birlashuvlaridan yuzaga kelgan aktivlar va majburiyatlar mazkur MHXS ni qo’llash paytida to’g’rilanmasligi lozim.
65A Sotib olish sanalari tadbirkorlik sub’ekti 2008 yilda chop etilgan mazkur MHXS ni birinchi marta qo’llagan sanadan oldin kelgan biznes birlashuvlaridan yuzaga keladigan shartli tovon qoldiqlari mazkur MHXS ni birinchi marta qo’llash paytida to’g’rilanmasligi lozim. 65B–65D bandlar ushbu qoldiqlarni keyingi hisobga olinishida qo’llanilishi lozim. 65B–65D bandlar sotib olish sanalari tadbirkorlik sub’ekti 2008 yilda chop etilgan mazkur MHXS ni birinchi marta qo’llagan sana yoki undan keyin bo’lgan biznes birlashuvlaridan yuzaga keladigan shartli tovon qoldiqlarini hisobga olishda qo’llanilmasligi lozim. 65B–65D bandlarda biznes birlashuvi faqatgina sotib olish sanasi 2008 yilda chop etilgan mazkur MHXS ni qo’llanilishidan oldin kelgan biznes birlashuvlariga tegishlidir.
65B Agarda biznes birlashuvi kelishuvi kelgusi hodisalarga bog’liq bo’lgan birlashuv tannarxiga to’g’rilanishni ko’zda tutsa, sotib oluvchi ushbu to’g’rilanish summasini sotib olish sanasida birlashuv tannarxiga kiritishi lozim, agarda to’g’rilanish ehtimoli mavjud bo’lsa va u ishonchli baholansa.
65V Biznes birlashuvi kelishuvi bir yoki undan ortiq kelgusi hodisalarga bog’liq bo’lgan birlashuv tannarxiga nisbatan to’g’rilanishlarga ruxsat berishi mumkin. To’g’rilanish, masalan, kelgusi davrlarda belgilangan foyda darajasini saqlanishiga yoki unga erishilishiga, yoki chiqarilgan instrumentlarning bozor narxini saqlanishiga shartli bo’lishi mumkin. Ba’zi noaniqlik mavjud bo’lishiga qaramasdan, odatda ma’lumotlarning ishonchliligiga putur yetkazmagan holda birlashuvni dastlabki hisobga olish paytida bunday to’g’rilanish summasini baholash imkoni bo’ladi. Agarda kelgusi hodisalar sodir bo’lmasa yoki bahoning qayta ko’rib chiqilishi zarur bo’lsa, biznes birlashuvi tannarxi mos ravishda to’g’rilanishi lozim.
65G Biroq, biznes birlashuvi kelishuvi bunday to’g’rilanishni ko’zda tutsa, ushbu to’g’rilanish birlashuvni dastlabki hisobga olish paytida birlashuv tannarxiga kiritilmaydi, agarda uning ehtimoli mavjud bo’lmasa va u ishonchli baholanmasa. Agarda ushbu to’g’rilanishning keyingi davrlarda ehtimoli mavjud bo’lsa va u ishonchli baholansa, qo’shimcha tovon birlashuv tannarxiga to’g’rilanish sifatida inobatga olinishi lozim.
65D Ayrim holatlarda, sotib oluvchidan sotib olinuvchi ustidan nazorat evaziga sotib oluvchi tomonidan berilgan aktivlar, chiqarilgan ulushli instrumentlar yoki qabul qilingan yoki zimmaga olingan majburiyatlar qiymatidagi kamayish uchun qoplash sifatida sotuvchiga keyingi to’lovni amalga oshirish talab etilishi mumkin. Bu holat, masalan, qachonki sotib oluvchi biznes birlashuvi tannarxining qismi sifatida chiqarilgan ulushli yoki qarz instrumentlarining bozor narxini kafolatlaganda va undan dastlab aniqlangan tannarxni tiklash uchun qo’shimcha ulushli yoki qarz instrumentlarini chiqarish talab etilganda bo’ladi. Bunday holatlarda, biznes birlashuvining tannarxida hech qanday ko’payish tan olinmaydi. Ulushli instrumentlar holatida, qo’shimcha to’lovning haqqoniy qiymati dastlab chiqarilgan instrumentlarga nisbatan aks ettirilgan qiymatdagi teng summadagi kamayish bilan o’zaro qoplanadi. Qarz instrumentlari holatida, qo’shimcha to’lov dastlabki emissiya bo’yicha mukofotda kamayish yoki diskontda ko’payish sifatida inobatga olinadi.
66 MHXS 3 ni hanuz qo’llamagan va xarid usuli orqali hisobga olingan bir yoki undan ortiq biznes birlashuvlariga ega bo’lgan tadbirkorlik sub’ekti, masalan o’zaro tadbirkorlik sub’ektilar, B68 va B69-bandlardagi o’tish shartlarini qo’lalshi lozim.