«tuproqshunoslik va agrokimyo»

Zonadagi tuproqlardan foydalanish va unumdorligini oshirish tadbirlari.
Boreal bioiqlim poyasining tayga zonasi – Rossiyaning asosiy o’rmon boyligi. Ichki ehtiyoj uchun ham, shuningdek eksport uchun, ham yog’och ishlab chiqarish mamlakat iqtisodiy potensialida sezilarli o’rin egallaydi. O’rmon fondi yer maydoni 1046 mln ga, yoki Rossiya umumiy maydonining 61% ni tashkil etadi. Faqat o’rmon xududi esa 782 mln ga ni egallaydi (V.F. Volkov va bjshqalar. 2004 y.
Tayga-o’rmon zonasida dehqonchilik va chorvachildikni rivorjlantirish imkoniyatlari mavjud bo’lsa-da, bu zona kam o’zlashtirilgan. Iqlim sharoitlari qulay va suv resurslari yetarli bo’lgan bu zonada tegishli chora-tadbirlar olib borilganda g’alla, chopiq ekinlari, bir yillik va ko’p yillik o’tlardan hamda sabzavotdan va mevali bog’lardan yuqori hosil olish mumkin.
Zonada almashlab ekishni to’g’ri joriy qilish, yerni to’g’ri ishlash, organik va mineral o’g’itlardan samarali foydalanish, yerga ohak solib, uning xususiyatini yaxshilash asosiy meliorativ tadbirlardan biridir. Zonada botqoqli maydonlarni quritib o’zlashtirishga katta e’tibor beriladi.

Mustaqil ishlash uchun savollar
1. Zona tuproqlari profilining tabaqalanishi deganda nimani tushunasiz va unga ta’sir etuvchi omillar sodir bo’ladigan jarayonlarni ko’rsating?
2. Zona xududidagi tuproq paydo qiluvchi sharoitlarni ta’riflang?.
3. Podzol tuproqlar genezisi haqidagi hozirgi zamon qarashlarini bayon eting?.
4. Podzol tuproqlar tuzilishi, tarkibi va xossalarini ta’riflang?
5. Chimli jarayonning mohiyati va uning tayga-o’rmon zonasida namoyon bo’lishidagi xususiyatlari nimalarda?
6. Podzol va chimli tuproqlar klassifikasiyasini ta’riflang?.
7. Chimli-podzol tuproqlarga agronomik tavsif bering?
8. Chimli podzol tuproqlarning unumdorligini oshirishdagi asosiy tadbirlar tavsifini ayting?
9. Gleylanish va torf hosil bo’lish jarayonlarini mohiyatini tushuntiring?
10. Botqoqli – podzol tuproqlar tuzilishi, tarkibi, xossalari va foydalanish yo’llari haqida so’zlang?
11. Botqoq tuproqlar tarqalishi va sharoitlarini ta’riflang?
12. Botqoq tuproqlarning tuzilishi, tarkibi va xossalari qanday?