Tuban o‘simliklar

etsidium – unda hosil bo‘ladigan sporalar shar shaklida, anchasi po‘st bilan o‘raladi;
seoma – sporalari po‘stsiz;
resteliya – po‘st (peridiy) asosi bilan o‘sib shoxga o‘xshash ko‘rinishni oladi, u zararlagan to‘qimadan chiqib turadi;
peridermium – peridiyi bor, sporalar gifa chigalidan yuzaga kelgan yassilikda hosil bo‘ladi.
Zamburug‘ning rivojlanishidan bu davrida o‘simlikning turli joylarida shish, buralish, bujmayishlar yuzaga keladi.
Zangkuya zamburug‘ining rivojlanishi turli xo‘jayininlarda ro‘y bersa etsidiosporalarni hosil qilish davrida xo‘jayin o‘zgaradi. Etsidiosporalar gaploid mitselliy zararlagan o‘simlikda rivojlan-maydi. Bunday holatda etsidiosporalar butunlay boshqa o‘simlikga tushishi kerak. Etsidiospora unadi, o‘sish nayini ustitsalar orqali to‘qimaga kiritadi, u erda gaustoriyali dikariogen mitselliy hosil qiladi. Mitselliyda yozgi bir hujayrali oval shaklidagi uredino-sporalar to‘plami hosil bo‘la boshlaydi. Bu sporalar ham o‘simlik bargining epidermis ostida yoki yashil novdada hosil bo‘ladi. Atrofga tarqalgan bu uredinosporalar o‘zi hosil bo‘lgan xo‘jayin kabilarni zararlay boshlaydi. O‘simlikning vegetatsiya davrida bu sporalar ko‘plab marta hosil bo‘ladi.
Xo‘jayin o‘simlik qurishi bilan uredinosporalar teliosporalarga aylanadi. Bu davrga kelib zamburug‘ning ham rivojlanishida yangi davr – teliosporalarning to‘plami hosil bo‘ladi. Teliosporalarni qishqi (bizning sharoitimizda kuzgi, qishlab qoladigan) sporalar paydo bo‘ladi. Ularning hujayrasini po‘sti qalin, deyarli qora tusda bo‘ladi. Teliosporalar qishlab qoladi. Ular bir, ikki, ko‘p hujayrali bo‘lishi mumkin. Tinim davrini o‘taganidan keyin bazidiyalar bo‘lib unadi.
SHunday qilib, zangkuya zamburug‘larining to‘la rivojlanishi davrida besh xil sporalar hosil bo‘ladi.
Zangkuya zamburug‘laridagi sporalar

Belgi	Sporalanishni nomi	Sporani nomi
O	Piknidiy (spermagoniy, piknida)	Piknidiospora (spermatsiy)
I	Etsiy (etsidiy)	Etsiospora (etsidiospora)
II	Urediniy (uredosporalash)	Uredinospora (uredospora)
III	Teliy (teleytsporalash)	Teliospora (teleytospora)
IV	Bazidiya	Bazidiospora