Тошпти эпидемиология, юкумли касалликлар кафедраси 3 курс Ўта хавфли инфекцияларда эпидемияга қарши чора-тадбирларни ташкиллаштириш. Вабо, Ўлат, КЎйдирги, геморрагик иситма ва бошқа касалликлар

Профилактика ва эпидемияга қарши чора-тадбирлар

Профилактика чоралари, ветеринария ва тиббий-санитария чора-тадбирларига бўлинади.

Ветеринария хизмати қуйидагиларни бажаради:

• Ҳайвонлар орасида касалликни аниқлаш;
• Рўйҳатга олиш;
• Куйдирги касаллиги аниқланган ҳўжаликларни ҳисобга олиш;
• Касаллик аниқланган ҳўжаликлардаги чорва молларини режали эмлаш;
• Куйдирги касаллигидан ўлган ҳайвонлар кўмилган жойларни назорат қилиш;
• Мол боқиш жойларини доимий назорат қилиш;
• Чорва моллари маҳсулотларини тайёрлашда, сақлашда, ташишда ветеринария-санитария қоидаларига риоя қилиш;
• Ҳайвонларда куйдирги касаллигини ўз вақтида аниқлаш, ташхис қўйиш, алоҳидалаш ва даволаш;
• Эпизоотик ўчоқларни эпизоотологик текшириш;
• Ўлган ҳайвон мурдаларини зарарсизлантириш;
• Ўчоқда жорий ва якуний дезинфекция ўтказиш;
• Аҳоли орасида санитария –оқартув ишларини олиб бориш

Куйдирги касаллигига қарши ўтказиладиган тиббий-санитария чора-тадбирлари:

Куйдирги касаллигига қарши ўтказиладиган тиббий-санитария чора-тадбирлари:

• Куйдирги касаллиги бўйича нохуш бўлган худудларда куйдиргига қарши чора-тадбирларнинг қатъий бажарилишини назорат қилишни кучайтириш;
• Чорва маҳсулотларини тайёрлашда, сақлаш ва ташишда, шунингдек, уларни қайта ишлаш жараёнида умумсанитария қоидаларига риоя қилиш;
• Эпидемик кўрсатмаларга биноан, куйдирги билан касалланиш хавфи бўлган кишиларни эмлаш;
• Куйдирги касаллигини одамлар орасида ўз вақтида аниқлаш, шифоҳонага ётқизиш ва даволаш;
• Бемор одам бўлган жойларда якуний дезинфекция ўтказиш;
• Касаллик қўзғатувчиси манбаи билан ёки зарарланган маўсулотлар ва беморлар билан мулоқотда бўлганларга шошилинч профилактика чораларини ўтказиш;
• Аҳоли орасида санитария-тушунтириш ишларини олиб бориш.

Куйдиргига қарши режали эмланадиган гуруҳлар:

• Куйдирги қўзғатувчисининг тирик культуралари билан ишловчилар, зарарланган ашёларни текширувчилар;
• Зооветеринария ходимлари, хайвонларни сўйишдан олдин боқадиганлар, қушҳона ишчилари, ҳайвонлар гўштини бўлакларга бўлиш ва терисини шилишда иштирок этувчи қассоблар;
• Ҳайвон маҳсулотларини қайта ишловчилар.
• Куйдиргига қарши эмлашда тирик вакцина қўлланилади.
• СТИ (Санитария-Техника институти) вакцинаси билан икки маротаба 21 кун оралиқ билан эмланади.
• Қайта эмлаш ҳар йили ўтказилади – оралиғи 1 йилдан кўп вақт ўтмаслиги керак.
• Куйдирги билан касалланган бемор юқумли касалликлар шифоҳонасига ёки шифоҳонанинг юқумли касалликлар бўлимига, агарда юқумли касалликлар бўлими бўлмаса (қишлоқ шароитида) алоҳида хонага жойлаштирилади.
• Куйдирги касаллигидан ҳалок бўлган одамлар, агарда лаборатория усусида таўхис тасдиқланса, уларни ёриш тавсия этилмайди.
• Куйдирги касаллигидан ўлган одамлар мурдаси оддий мозорларга кўмилади, бунда эпидемик хавфсизлик чоралари эътиборга олинади.
• Куйдирги касаллиги билан оғриган беморнинг хонасида якуний дезинфекция қилинади. Беморнинг анжомларига камерали усулда ишлов берилади.
• Ўчоқда касаллик тўлиқ йўқолмагунча, мулоқотда бўлган одамлар тиббий кузатувга олинади.
• Куйдирги касаллигига чалинган беморлар билан, касал ҳайвон маҳсулотлари билан мулоқотда бўлганларга ёки ўлганларни кўмишда иштирок этганларга, куйдирги таёқчаси ёки спораси бор бўлган ашёлар билан мулоқотда бўлган кишиларга шошилинч профилактика қилинади.
• Шошилинч профилактика мақсадида антибиотиклар қўлланилади.