Тошкент Тиббиёт Академияси

Иситувчи ва совутувчи микроиқлим шароитларида адаптация ва акклиматизация.
Турли микроиқлим шароитида доимий ишлаш жараёнида организм ташқи муҳит билан динамик мувозанатда бўлади. Бу мувозанат мослашув жараёнлари оқибатида амалга ошади.
Иссиқлик адаптацияси – бунинг асосида организмнинг турли физиологик жараёнларини узаро боглаш ётади. Дастлабки босқичда адаптация термик таъсирланиш оқибатида вужудга келувчи компенсатор механизмлар асосида амалга оширилади. Сунг эса нейрогуморал механизмлар организмни ташқи муҳит билан мослашувини юзага келтиради бўлар натижасида ўзгарган микроиқлим шароитида организмни ташқи муҳитга мослашуви турғун холати – акклимитизация ташкил топади.
Акклиматизация организмни Янги иқлим шароитларига мослашувининг (адаптациянинг) хусусий формасидир, у бу иссиқликнинг узоқ таъсири натижасида ҳосил бўлади.
Ноқулай микроиқлим шароитида вужудга келувчи патологик холатлар.
Гигиеник талабларга жавоб бермайдиган микроиқлим шароитларида ишлаш натижасида қатор касалликлар вужудга келиши мумкин.
Иситувчи микроиқлим шароитида ўткир касалликлар гипертермия, тери шиш касаллиги кузатилади. Гипертермия – тана ҳароратини кескин ошиши ( 40- 41⁰С) юрак уришини тезлашуви (2-2.5 марта ), профуз тер окиши, мушак сустлиги, куз жимирлаши, айрим холларда онг чалкашиши каби белгилар билан ифодаланади. Организмда сув-туз алмашинувини бузилишининг натижасида тери шиш касаллиги кузатилади. Тана ҳарорати унча кўтарилмайди, мушакларда огрик бўлиши (уюшиш) билан алмашиниб туради. Иситувчи ноқулай микроиқлимни сурункали таъсирида вужудга келувчи касаллилар бир қанча синдромлар кўринишида бўлиши мумкин (ошқозон-ичак, асаб тизими, юрак қон томир тизими). Инфра қизил нурланишлар таъсирида ҳам касалликлар юзага келади.
Улар ичида ўткир қуёш уриш касалликлари мавжуд. Бош оғриғи, бош айланиши, пульсни тезлашуви, нафас олишни тезлашуви, онгни чалкашиши ёки хушдан кетиш, ҳаракат координациясини бузилиши каби белгилар билан ифодаланади.
Кўз гавҳарида инфрақизил нурланишни ютилиши гавҳар марказидан лойкаланиши - каттаракта касаллигига олиб келади.
Гавҳарнинг лойкаланиши аввал инфрақизил нурланиш манбаига яқинрок кўздан бошланади.
Совутувчи микроиқлим - бу шароитда ишловчиларда вужудга келувчи касалликлар ангиоспастик холатлардир. Бундан ташқари, периферик асаб тизими бел-думгаза радикулити, юз нерви невралгияси, томир ва мушак ревматизми, цистит, пиелит, бронхит, миозит, миалгия ва бошқалар. Совутувчи микроиқлим шароитида ишловчиларда умумий шамоллаш касалликлари 2,5 марта ортиқ учрайди.