Тошкент Тиббиёт Академияси

МАШИНА ҚУРИЛИШ САНОАТИДА МЕҲНАТ ГИГИЕНАСИ.
Машина қурилиш корхоналари ва уларнинг ҳалк хужалигидаги ўрни.
Халк хужалигининг етакчи тармоқларидан бири - машина қурилиш саноати корхоналаридир. Бу корхоналар ишлаб чиқаришнинг асосий курол-воситаларининг яратувчисидир. Шу сабабли ҳалк хужалигининг техник қайта кўришнинг асосий замини ҳисобланади.
Ўзбекистон Республикаси худудида бу тармоқга кирувчи корхоналар сони жуда катта улар ичида, Ўзбекқишлоқмаш, Тошкентқишлоқмаш, Тошкент трактор заводи, Асака втомобиль заводи, Тошкент текстильмашинасозлиги заводи ва қатор бошқа корхоналар ҳалкаро аҳамиятга эга корхоналардир.
Давлатимизнинг бугунги кунги сиёсати ҳар бир ишлаб чиқарилаётган махсулоти,шу жумладан ишлаб чиқариш воситаларини ҳалкаро стандартлар талабларига жавоб беришга эришишдир.
Бу борада Республикамиз худудида жуда кўп миқдорда чет элнинг етакчи фирмалар билан ҳамкорликда фаолият кўрсатаётган корхоналар кундан кунга кўпаймоқда. Мавжуд корхоналардаги технологик жараёнларни тубдан ўзгаришига,янги технологик жихозларпинг жорий этилишига олиб келмоқда. Бу уз ўрнида корхоналардаги бажариладиган ишлар мазмунини, иш шароитларини ва ишни ташкил этилганлигининг ўзгаришига сабаб бўлади. Шу сабабли меҳнат гигиенаси врачи томонидан олиб бориладиган Давлат санитария назоратида бу йўналишдаги корхоналар алоҳида аҳамиятга эгадир.
Машина кўриш корхоналаридаги технологитк жараён икки гуруҳ цехларда амалга оширилади:
1. Металлга иссиқлик таъсирида ишлов бериш (иссиқ) цехлари-металл куйиш, киздириш, темирчилик. Бу цехларда асосан чиқариладиган махсулот қисмлари тайёрланади,шу сабабли бу цехлар тайёрлов цехлари ҳам деб юритилади.
2. Металлга ноиссиқлик нури билан ишлов бериш (совуқ) цехлари-механика, гальваниқа, пайвандлаш, йигув, буяш ва бошқалар.
Хар икки гуруҳга кирувчи цехларда амалга ошириладиган ишлар бир-биридан тубдан фарқ қилганлиги сабабли қуйида ҳар бир цехга алоҳида тўхтаб утиш мақсадга мувофиқдир.
Металлга иссиқлик воситасида ишлов бериш цехлари ва уларда меҳнат гигиенаси масалалари.