|
III синф сохаси иммун реакцияга бевосита жалб этилувчи маҳсулотлар, генлар тутади (3-расм). У С2 ва С4, Bf (пропердин омили) комплемент компоненти ва ўсма некрози омили (ЎНО) (TNF) учун структур генлар тутади. Бунга 21-гидроксилаза синтезини кодловчи генлар киради. Шундай қилиб, 3 синфдаги HLA-генлари маҳсулотлари ҳужайра мембранасига экспрессияланмайди, балки эркин ҳолатда бўлади.
Инсон тўқималари HLA-антиген таркибини хар бир локусга тегишли бўлган, яъни битта хромасомада хар бир локуснинг биттадан гени бўлиши мумкин бўлган аллел генлар белгилаб беради. Асосий ирсий қонуниятларга мос равишда хар бир индивидиум хар бир локус ва сублокусларнинг (жуфт аутосом хромасомаларнинг хар биридан биттадан) иккитадан кўп бўлмаган аллел ташувчиси бўлиши мумкин. Гаплотипда (бир хромасомадан аллеллар йиғмаси) хар бир HLA сублокусларидан биттадан аллел бўйича иштирок этади. Бунда, агар индивид HLA-комплекс барча аллеллари бўйича гетерозигот бўлса, унда турланиш (А, В, С, DR, DP—сублокуслар) ўн иккитадан кўп бўлмаган HLA-антигенлар аниқланади. Агар индивид баъзи антигенлар бўйича гомозигот бўлса, унда антигенлар камроқ аниқланади, бироқ, бу сон 6 дан кам бўлмайди. Агар турланувчи субъектда HLA-антигенларнинг эҳтимолий сони максимал даражада аниқланса, бу «full house» (антигенлар билан “тўла уй”) деб аталади.
HLA-генларни текшириш кодоминант тур бўйича рўй беради, у холда авлодда ота-онанинг хар биридан олинган HLA-антигени бир хил даражада экспрессияланади. HLA-гаплотип деб номланувчи бир хромасоманинг турли локусларидаги аллеллар комбинацияси ягона блок сифатида авлодга ўтади.
Лимфоцитлар HLA-антигенларига жуда бой бўлади. Шу боисдан ушбу антигенларни аниқлаш айнан лимфоцитларда амалга оширилади. HLA-А, -В, -С антигенлари молекулалари лимфоцитлар юзасидаги оқсилларнинг тахминан 1% ни ташкил этади, бу эса чамаси 7000 молекула деганидир.
Буларнинг асосий ахамиятини аниқланиши иммунологиянинг энг аҳамиятли ютуқларидан бири саналиб, иммун жавобни рўёбга чиқишида инсон ва сут эмизувчиларда марказий асаб тизими мухим ахамият касб этади. Жиддий назорат қилинувчи тажрибаларда исботланишича, айнан битта антиген турли генотипга эга организмларда иммун жавобни келтириб чиқаради ва аксинча, айнан бир организм турли антигенларга нисбатан турли даражада реактивликни намоён йилиши мумкин. Иммун жавобнинг бундай юқори даражадаги ихтисослашган турини назорат қилувчи генлар Ir-генлар деб номланади (Immune response genes).
4-расм. Хусусий HLA-антигенлар билан бегонани таниш жараёни чегараланган (ресриктирланган). Бу “икки томонлама таниш” ёки “ўзгарган ўзиникини таниш” концепциясидир. Т-хелпер лимфоцит (CD4+) бегона антигенни фақат антигенни намоён қилувчи 2 синф хужайралар юзасида жойлашган молекулалар билан комплекс тарзда танийди. Цитотоксик лимфоцитлар (Т-эффекторлар, CD8+) масалан, вирус табиатли антигенни нишон-ҳужайрадаги HLA I синфдаги молекула билан комплексда танийди. Экзоген антигенлар II-синфдаги HLA молекулалар, эндоген – I-синфдаги молекулалар таъминлайди.
Улар инсон HLA тизимининг 2-синфи сохасида жойлашган. Ir-ген назорати лимфоцитлар Т-тизими орқали амалга оширилади (4-расм).
Бегона антиген пептидни танишга мослашган антиген хосил қилувчи ҳужайралар юзасига экспрессияланган HLA молекулалари ўртасидаги таъсиротлар ва Т-хелпер лимфоцит юзасидаги антиген-танувчи рецептор – TCR (T-cell receptor) иммун жавобдаги ҳужайраларнинг ўзаро таъсирининг марказий бўғини саналади. Бунда бегона этиотопни таниш билан бир вақтда хусусий HLA-антигенларини таниш хам рўй беради. HLA-тизимининг мухим ахамиятидан бири, бу ушбу тизим комплементни фаоллаштирувчи классик (С2 ва С4) ва альтернатив (Bf) омилларини синтезини назорат қилади. Ирсий жихатдан ушбу комплемент компонентларни танқислиги юқумли ва аутоиммун касалликларга мойилликни ошишига олиб келади.
HLA-турлашнинг амалий аҳамияти. Популяцион-ирсий тадқиқотларда ва касалликларга ирсий мойилликни ўрганишда юқори даражадаги полиморфизми HLA тизимни беқиёс маркер сифатида қўллаш билан бир қаторда, аъзо ва тўқималарни трансплантациясида донор жуфтликларини – рецепиент танлашда бир қатор муаммолар ҳам келтириб чиқаради.
Қатор давлатларда ўтказилган популяцион тадқиқотларни кўрсатишича, турли популяцияларда HLA-антигенларни тарқалишида ўзига хос фарқлар борлиги аниқланди. Турли популяцияларни келиб чиқиши ва эволюциясини, тузилишини ўрганиш борасидаги ирсий текширувлар учун HLA-антигенларни тарқалишининг хусусиятлари ўрганиш қўлланилади. Масалан, жанубий европеоидларга мансуб грузин популяцияси юнон, болгар, испан популяцияларига ўхшаш HLA-ирсй профилига эгалиги, уларни келиб чиқишини умумийлигини кўрсатади.
HLA-антигенларни турлаш оталик, қариндошликни аниқлаш ёки рад этиш мақсадида суд-тиббиёти амалиётида хам кенг қўлланилади.
Баъзи касалликларни у ёки бу HLA-антигенлари генотипи мавжудлиги билан боғлиқлиги эътиборни тортади. Бу эса қуйидаги ҳолат билан, яъни касалликларга мойилликнинг ирсий асосларини ўрганиш учун HLA кенг қўлланилади. Агар аввал тарқалган склероз касаллиги ирсий асосга эга эмас деб қаралган бўлса, хозирги кунда HLA-тизими билан боғлиқ равишда ўрганиш асосида ушбу касалликнинг ирсий мойилликка эгалиги қатъий тарзда белгиланган. HLA-тизими билан боғлиқликни қўллаш орқали баъзи касалликлар учун ирсий ўтиш усулларини аниқлаган. Масалан, анкилозловчи спондилоартрит аутосом-доминант турда, гемохроматоз ва туғма адреналли гиперплазия – аутосом-рецессив турда ирсий ўтиши кўрсатилган. Анкилозловчи спондилоартритни HLA-В27 антиген билан кучли ассоциацияси сабабли ушбу касалликни эрта ташхслашда HLA-турлаш ишлатилади. Инсулинга боғлиқ бўлган қандли диабетнинг ирсий маркерлари ҳам аниқланган.
Do'stlaringiz bilan baham: |
