Toshkent moliya instituti ijtimoiy soha iqtisodiyoti

20.2. Сармоя қўйилмалари 
Ноишлаб чиқариш асосий фондлари эскирган қисмларининг ҳисобдан 
чиқарилиши, миқдорий ўсиши ва сифат жиҳатидан мукаммаллашуви ноишлаб 
чиқариш сармоя қўйилмалари ҳисобидан амалга оширилади. 
Сармоя қўйилмалари умумий даражаси кейинги йилларда маълум 
даражада камайди. Ижтимоий соҳа сармоя қўйилмалари давлат бюджети 
ҳисобидан, хўжалик ташкилотлари, жамоа хўжаликлари, ҳиссадорлик 
жамиятлари, саноат ва хусусий корхоналари, касаба уюшмалари ва бошқа 
жамиятлар, шунингдек, аҳоли ҳисобидан амалга оширилмоқда. 
Капитал қурилишни молиялаштиришда асосий ролни давлат бюджети 
ўйнайди. Шунингдек, корхоналар, бирлашмалар, жамоа хўжаликлари 
ижтимоий соҳа мақсадига мўлжалланган капитал қурилмаларига ўзларининг 
муносиб ҳиссаларини қўшмоқдалар. Бу мақсадлар учун ижтимоий маданий 
тадбирлар ва бошқа иқтисодий ривожлантириш фондларидан фойдалани-лади. 
Бунда жамоа хўжаликларининг ҳиссалари катта бўлмоқда. Чунки улар ўз 
ҳудудларида мактаблар, маиший хизмат корхоналари, участка амбула-
ториялари қуришда актив иштирок этишмоқда.
Хизмат кўрсатиш соҳаларида капитал қурилиш ишлари пудрат асосида 
олиб борилади. Шуни ҳам айтиш керакки, қурилишни хўжалик усули билан 
олиб бориш бу соҳалар фаолиятига хос эмас. Чунки меҳнат ресурслари ва 
моддий ресурслар йўқ. Бу усул ишлаб чиқариш корхоналари ва жамоа 
хўжаликлари учун мос бўлиб, болалар яслилари, мактаблар ва профилакто-
риялар қурилишларида кенг қўлланилмоқда.
Янги замонавий, яхши ёритилган ижтимоий соҳа объектлари аҳоли учун 
қулайликлар яратиш билан бир қаторда малакали ходимларни ҳам талаб 
қилади, лекин бунинг учун кўп миқдорда харажат сарф бўлади. Ноишлаб 
чиқариш асосий фондлари сифатини ошириш сармоя қўйилмалари доимий 
ўсиб бориш даражасининг асосий омилидир. 

---

197 
Республикамиз ҳукумати ва Президентимиз И.А.Каримов мустақиллик 
йилларида ижтимоий соҳа ва моддий неъматлар ишлаб чиқариш тармоқлари 
ривожига алоҳида аҳамият бермоқдалар.