Тошкент молия институти банк иши факультети

Тадқиқот объекти. Ўзбекистон Республикасининг тижорат банклари кредитлаш шакллари ва жараёни ҳисобланади.
Тадқиқот предмети – тижорат банклари томонидан кредитлаш шакллари ва жараёнида юзага келадиган молиявий муносабатлардир.
Тадқиқот мақсади – кредитлаш шаклларини ривожлантириб кенгайтириш ва уни самарадорлигини оширишга қаратилган хулоса ва таклифлар ишлаб чиқишдан иборат.
Битирув малакавий ишининг мақсадидан келиб чиқиб, унинг олдига қуйидаги вазифалар қўйилган:
– банкларда кредитлаш шакллари ва жараёнини ташкил этишнинг назарий-ҳуқуқий асосларини ўрганиш;
– тижорат банкларининг кредитлаш амалиётини таҳлил этиш;

• 
  хўжалик субъектларини кредитга лаёқатлилигини ўрганиш;
  

– кредитлаш жараёнини самарадорлигини ошириш ва такомиллаштириш юзасидан таклиф ва хулосаларни ишлаб чиқиш.
Тадқиқот натижаларининг назарий-амалий аҳамияти. Битирув малакавий ишининг илмий аҳамияти шундаки, битирув малакавий ишида шакллантирилган хулосалардан тижорат банкларининг кредитлаш амалиётини маълум жиҳатларини такомиллаштиришда ва олий ўқув юртларида иқтисодий мутахассисислик фанларини ўқитишда фойдаланиш мумкин.
Битирув малакавий ишининг тузилиши ва ҳажми. Битирув малакавий ишининг иши таркиби кириш, уч боб, хулоса ва таклифлар, фойдаланилган адабиётлар рўйхатидан иборат.
Битирув малакавий ишининг кириш қисмида мавзунинг долзарблиги, мақсад ва вазифалари, назарий ва илмий аҳамияти ёзилган.
Битирув малакавий ишининг биринчи бобида тижорат банклари кредитлаш жараёнининг назарий-ҳуқуқий асослари, хусусан, тижорат банклари кредитлаш жараёнининг назарий асослари ва тижорат банкларида кредитлаш жараёнини ташкил этишнинг ҳуқуқий асослари баён қилинади.
Битирув малакавий ишининг иккинчи бобида Ўзбекистон Республикаси тижорат банкларида кредитлаш жараёни ва унинг самарадорлиги тижорат банкларида мижозларнинг кредитга лаёқатлилигини таҳлили ва кредитлаш тартиби, тижорат банкларини кредитлаш амалиёти жорий ҳолати таҳлил этилган.
Битирув малакавий ишининг учинчи бобида тижорат банклари кредитлаш амалиёти билан боғлиқ муаммолар ҳамда тижорат банкларида кредитлаш жараёнини такомиллаштириш ва самарадорлигини ошириш йўллари ифодаланган ва мавзу юзасидан хулоса ва таклифлар шакллантирилган.