Тошкент молия институти банк иши факультети

2–жадвал
“DragBeer Distribution” савдо корхонасининг ликвидлилик коэффициентини таҳлили¹⁸
(2018 йил, минг сўмда)

№	Кўрсаткичлар	Йил бошига	Йил охирига
1.	Пул маблағлари (320-сатр)	145172	86252
2.	Тез сотиладиган талаблар (210-сатр)	31032	77600
3.	Қисқа муддатли мажбуриятлар (600-сатр)	166064	325660
4.	Ликвидлилик коэффициенти (1+2/3)	1,06	0,50

Юқорида келтирилган жадвалда “DragBeer Distribution” савдо корхонасининг ликвидлилик коэффициенти таҳлил этилган. Корхонани ликвид маблағлари 2018 йил бошига 217056 минг сўмни, қисқа муддатли мажбуриятлари эса 166064 минг сўмни ташкил этган ва лкивидлилик коэффициенти 1,06 ни ташкил этган. 2018 йил охирига келиб эса 0,50 ни ташкил этган. Ликвидлилик коэффициенти йил охирига келиб пасайган. Бу салбий ҳолат бўлиб, кредит тўловини қайтариш даражасини пасайганлигини билдиради Ушбу корхонани ликвидлилиги 2-синфга тааълуқлидир.

Корхонанинг ўз маблағлари билан таъминланганлиги мухторийлик коэффициенти умумий корхона баланси пассивининг қанча кисми корхонанинг ўз манбаларидан ташкил топганлигини баҳолайди ва қарз маблағлари ичидаги корхона мустақиллигини акс эттиради.
Молиявий мустақиллик ёки мухторлик коэффициенти (Км) мижознинг ўз маблағларининг барча маблағлар манбалари ичида тутган салмоғини, яъни корхона фаолиятининг қанча қисми ўз капитали ҳисобидан молиялаштирилишини кўрсатади ва қуйидаги формула орқали аниқланади:

Ўз маблағлари манбалари

Км= –––––––––––––––––––––––– *100
баланс пассиви жами

Банк учун кредитга лаёқатлилик кўрсаткичлари кредит шартномаси тузилаётганда риск даражасини аниқлаш нуқтаи назаридан муҳимдир. ўз маблағлари манбалари ва унинг ҳажми қанчалик катта бўлса, мижознинг ўз вақтида қарз мажбуриятларини тўлаш қобилияти шунча юқори бўлади. Корхонани кредитлаш учун унинг ўз маблағлари манбалари билан таъминланганлиги 30 фоиздан кам бўлмаслиги керак.

Қуйидаги жадвал маълумотларидан кўринадики, “DragBeer Distribution” савдо корхонасининг мухторият коэффициенти таҳлил этилган. Корхонани ўз маблағлари манбалари 2018 йил бошига 283008 минг сўмни, баланс пассиви жами эса 566016 минг сўмни ташкил этган ва мухторият коэффициенти 62,0 фоизни ташкил этган. 2018 йил охирига келиб эса мухторият коэффициенти 63,0 фоизни ташкил этган.