Тошкент давлат юридик университети

 
 
 
 
 
 
 
 
 
 
 

---

168 
11
-
BOB. SUV RESRUSLARINI MUHOFAZA QILISH VA UNDAN 
FOYDALANISHNING HUQUQIY TARTIBI 
 
Suvdan foydalanish va muhofaza qilishning tarixi va uning ekologik 
ahamiyati. Suv resurslarini ekologik-huquqiy muhofaza qilish va 
foydalanish maqsadi, vazifalari, xususiyatlari, prinsiplari hamda ekologik 
talablar. Suv fondidan foydalanish (iste’mol qilish) va uni muhofaza qilish 
sohasida davlat boshqaruvi. Suv resurslaridan oqilona foydalanish va uni 
muhofaza qilishni rag‘batlantirish va belgilanadigan huquqiy chora-
tadbirlar. Suv resurslaridan foydalanish va muhofaza qilishning xalqaro 
ekologik ahamiyati. 
 
 
Suvdan foydalanish va muhofaza qilishning tarixi
va uning ekologik ahamiyati 
 
Tabiat boyliklari orasida suv alohida ahamiyatga ega bo‘lib, u tirik 
mavjudotning yashash hayot manbaidir. Zero, insoniyat hayoti davom 
etishi uchun suvni va suv manbalarini, avvalo, chuchuk suvdan 
tejamkorlik asosida foydalanishlari hamda ularni muhofaza qilishlari 
lozim.
Ichimlik suvining odam organizmi uchun ahamiyatini sharqning 
ko‘pgina olimlari yaxshi bilishgan. 
Masalan, Abu Ali ibn Sino “Tib 
qonunlari”
kitobining birinchi jildida “Suvning sifati” haqida ko‘pgina 
ma’lumotlar keltirilgan, suvning inson hayoti uchun zarur elementlardan 
biri ekani, suvning xususiyatlarini yaxshilaydigan bir necha usullarni 
bayon qilgan va suvni toza saqlash, uni qaynatib ichish kerakligini 
odamlarga uqtirgan.
Zardushtiylarning 
muqaddas 
kitobi 
“Avesto”da
tabiat 
muhofazasiga alohida o‘rin ajratilgan. Bu ta’limotga ko‘ra qadimgi 
ajdodlarimiz ona tabiatni nihoyatda e’zozlaganlar, o‘z hayotlarini tabiat 
bilan, yer, suv o‘simlik va hayvonot dunyosi bilan chambarchas bog‘liq 
holda tasavvur etganlar. “Avesto” ta’limoti suvni asrab-avaylab 
foydalanish lozimligiga da’vat etgan va odamlar shu ta’limotga asoslanib 
suv boyliklariga nisbatan oqilona munosabatda bo‘lgan. 

---

169