Тошкент давлат юридик университети

Nazorat uchun savollar 
1. O‘zbekiston Respublikasi yer qonunchiligiga asosan yer fondi 8 
toifaga bo‘linadi.
Yer fondi toifalarining huquqiy holatida qanday o‘xshashlik va farqli 
jihatlar mavjud? 

---

167 
2. O‘zbekiston Respublikasi Yer kodeksida yerlarni muhofaza qilish 
chora-tadbirlari belgilangan.
 
Qishloq xo‘jaligiga mo‘ljallangan va noqishloq xo‘jalik yerlarini 
muhofaza qilish chora-tadbirlari xususida fikr-mulohazalaringizni 
bildiring.
 
3. “Semurg‘” dehqon xo‘jaligi “Progress” zavodiga qarshi ariza bilan 
xo‘jalik sudiga murojaat etib, unga javobgar tomonidan o‘zboshimchalik 
bilan egallab olingan 5 gektar yer uchastkasini qaytarishni hamda javobgar 
tomonidan o‘zboshimchalik bilan egallab olingan maydonda so‘nggi uch 
yil davomida olingan kartoshka hosilining miqdoricha zararni qoplashni 
so‘ragan. Javobgar qarshi da’vo bilan chiqib, ushbu hududning hosildorligi 
va unumdorligini sezilarli darajada oshishiga asos bo‘lgan melioratsiya 
ishlari o‘tkazilganligi bilan bog‘liq xarajatlarni qoplashni talab qilgan.
 
“Yer uchastkasini o‘zboshimchalik bilan egallab olish” tushunchasi 
mazmunini ochib bering. Buning uchun qanday javobgarlik chorasi bor? 
Nizoni hal qiling.
4. “Kamalak” bog‘dorchilik-uzumchilik shirkati umumiy yig‘ilishida 
shirkat a’zosi K. ga nisbatan javobgarlik chorasini qo‘llash masalasini 
ko‘rib chiqdi. K. o‘ziga qarashli bo‘lgan yer uchastkasiga ishlov 
bermaganligi natijasida begona o‘tlar ko‘payib atrofdagi yer 
uchastkalariga ham zararli ta’sir ko‘rsatayotganligi aniqlangan. K. yer 
uchastkasidan o‘z xohishiga qarab foydalanishini ma’lum qilgan.
 
Ushbu vaziyatda shirkat qanday qaror qabul qilishi mumkin? Nizoni 
hal qiling.