Toshkent davlat yuridik universiteti fuqarolik huquqi kafedrasi oripov jamshidbek yusubjon o

II БОБ. ВАКИЛЛИК ТУРЛАРИ.


2.1. Қонуний вакиллар.
Вакил қаундай асосларда вужудга келишига қараб, вакиллик икки турга:

1. 
   Қонун бўйича ва шартнома бўйича вакиллик.
   
2. 
   Ихтиёрий вакиллик турларига бўлинади.
   

Вакиллик ва унинг ваколати норматив акт билан белгиланган ҳолда бундай вакиллик муомалага лаёқатсиз шахслар: ёш болалар, рухий касаллар, ақли заифларнинг ҳуқуқ ва манфаатлари қўриқланишини таъминлашга қаратилади. Суд органларида вакиллик қилиш тўғрисидаги қоидалар тегишли қонунлар билан белгиланади.
Ота-оналар, фарзандликка олувчилар ва Фуқаролик Кодексининг 131-моддасида белгиланганидек, қонуний вакиллар ҳисобланадилар. Шартномали, яъни ихтиёрий вакилликда вакил ва унинг ваколати вакил қилувчининг эрки билан белгиланади. Бундай вакилликда вакил ва унинг ваколати вакил қилувчи томонидан кўрсатилади.
Ўзбекистон Республикаси Олий Суди Пленумининг 14.05.2010 йил 05-сонли қарорига кўра судда вакиллик бошқа барча ҳолларда шартномага асосланган бўлади ва фақат ишонч билдирувчининг бунга хоҳиши мавжуд бўлганда юзага келади. Судда қонуний вакил сифатида ота-оналар, васийлар, ҳомийлар ва Фуқаролик Проссецуал Кодексининг 51-моддасида кўрсатилган бошқа шахслар иштирок этади.
Судда шартнома бўйича (ихтиёрий) вакил сифатида қуйидагилар иштирок этишлари мумкин:
1) адвокатлар, яъни қонунда белгиланган тартибда адвокатлик мақомини олган шахслар;
2) тўғри ва ён шажара бўйича қариндошлар, шунингдек эр(хотин) ёки унинг қариндошлари;
3) юридик шахсларнинг ходимлари-мазкур юридик шахслар ишлари бўйича;
4) нотижорат ташкилотлар ваколатли вакиллари-мазкур ташкилотлар аъзоларининг ишлари бўйича;
5) қонунга биноан бошқа шахсларнинг ҳуқуқ ва манфаатларини ҳимоя қилиш ҳуқуқи берилган нотижорат ташкилотлар ваколатли вакиллари;
6) иштирокчилардан бири бошқа иштирокчиларнинг топшириғи бўйича;
7) жисмоний шахслар вакили сифатида суд томонидан ишда қатнашишга рухсат берилган бошқа шахслар, башарти улар вакил сифатида судда касб тариқасида (ҳақ эвазига ёки ҳақ олмай) фаолият олиб боришмаса.
Қонуний вакиллар ҳам, шартнома бўйича вакиллар ҳам вояга етган ва муомалага лаёқатли бўлишлари керак.
Шартнома бўйича вакилликда меҳнат шартномасига биноан ташкилот номидан берилган ваколатномага асосан ҳаракат қилувчи хизматчи, масалан: ташкилотнинг юрист маслаҳатчилари, таъминот вакиллари ва бошқалар вакил бўлиб ҳисобланадилар.
Топшириқ шартномасига биноан берилган ваколатномага асосан ҳаракат қилувчи шахслар ҳам шартнома бўйича вакил бўла олади.
Корхона раҳбари корхона номидан бошқа субъектлар билан муносабатларга киришганда махсус ёзма ваколатномасиз иш юритишга ҳақли.