Toshkent davlat yuridik universiteti fuqarolik huquqi kafedrasi oripov jamshidbek yusubjon o

Шартнома бўйича (ихтиёрий) вакиллик. Суддаги вакилликнинг навбатдаги тури шартнома бўйича (ихтиёрий) вакиллик ҳисобланиб, Ўзбекистон Республикаси Фуқаролик Процессуал Кодексининг 67-моддасида назарда тутилган. Шартнома бўйича (ихтиёрий) вакилликка биноан ишонч билдирувчи ўз ҳуқуқлари ва қонун билан қўриқланадиган манфаатларини ҳимоя қилиш бўйича судда иш юритишни вакилга топширади.
Қуйидагилар шартнома бўйича (ихтиёрий) вакил бўла оладилар:
1) адвокатлар;
2) насл-насаб шажараси бўйича тўғри туташган ёки ён шажара бўйича қариндошлар, шунингдек эр (хотин) ёхуд унинг қарин-дошлари;
3) юридик шасхларнинг ходимлари – шу юридик шахсларнинг ишлари бўйича;
4) нотижорат ташкилотларининг ваколатли вакиллари – шу ташкилотлар азоларининг ишлари бўйича;
5) қонунга биноан бошқа шахсларнинг ҳуқуқ ва манфаатларини ҳимоя қилиш ҳуқуқи берилган нотижорат ташкилотларининг ваколатли вакиллари;
6) биргаликда иштирок этувчилардан бири бошқа иштирок-чиларнинг топшириғи бўйича;
7) ишни кўраётган суд томонидан ишда жисмоний шахсларнинг вакиллари сифатида қатнашишга рухсат берилган шахслар.
Судда иш юритиш бўйича вакил сифатида профессионал фаолият билан фақат адвокатлар шуғулланишлари мумкин⁷.
Протсесс иштирокчиси сифатида суддаги вакил судда ўзига хос, махсус протсессцуал ҳуқуқий ҳолатга эга ҳисобланади. Суддаги вакил протсеццуал ҳаракатларни ваколат берувчининг номидан ва унинг топшириғига кўра амалга оширар экан, ваколатлар доираси тарафлар (даъвогар, жавобгар), учинчи шахслар томонидан берилган ваколатномада ифода этилган бўлиши керак.
Вакилнинг умумий ваколатлари
Иш материаллари билан танишиш, улардан кўчирмалар олиш, нусхалар кўчириш, рад этиш тўғрисида арз қилиш, далиллар тақдим этиш, далилларни текширишда иштирок этиш, ишда иштирок этувчи бошқа шахсларга ва одил судловни амалга оширишга кўмаклашаётган шахсларга саволлар бериш, арз қилиш, илтимосномалар тақдим этиш, судга оғзаки ва ёзма тушьунтиришлар бериш, ишни судда кўриш давомида туғиладиган ҳамма масалалар бўйича ўзларининг важларини баён қилиш, бошқа шахсларнинг арзлари, илтимосномалари, важларига қарши эьтирозлар билдириш кабиларни киритиш мумкин⁸.