Тошкент Давлат техника

Moylash va sovitish tizimlarini rostlash va ta’mirlash. Moy nasosini tekshirish. Shesternyali moy nasosi moyni etarli miqdorda uzatmasligi, moy yiqqich to‘rini ifloslanishi yoki saqlagich klapanining qoniqarsiz ishlashi natijasida sodir bo‘lishi mumkin.
Moy nasosi stendda, etaklovchi shesternyaning 1410±20 ayl/min aylanishlar chastotasida sinaladi. Zarur bo‘lgan qarama-qarshi bosim so‘ruvchi trubkadagi ventilni yopish yo‘li bilan hosil qilinadi. Ushbu bosim 0,6 MPa atrofida bo‘lishi lozim. Sinash 70% dizel moyi va 30% kerosin aralashmasida olib boriladi. Aralashmaning qovushqoqligi 20-21SSt. Sinaladigan nasosning ish unumi 50 l/min dan past bo‘lmasligi kerak, bunda saqlagich klapanlari 0,65 – 0,75 MPa bosimda ochiladi.
Moy filtrini rostlash, moy filtrining korpusi bosh magistralda va doimiy ishchi bosimni ushlab turuvchi chiqishdagi moy oqimiga parallel o‘rnatilgan to‘kish klapanini tekshirish va rostlashdan iborat.
Saqlagich klapani mashinani ishlab chiquvchi korxona tomonidan bosimni 0,3- 0,4 MPa gacha pasayishiga rostlangan. Ularni qismlarga ajratish va rostlash faqat ixtisoslashgan ustaxonalarda amalga oshirilishi mumkin.
Moyning harorati 70-80°S dan past bo‘lganda moy radiatorini moylash tizimidan avtomatik ravishda ajratuvchi klapan termostat 0,05-0,07 MPa bosimga rostlangan. U motorda ham rostlanmaydi.
Motordagi cho‘kish klapanini rostlash uchun, undagi temperatura 80°S dan past bo‘lmagan haroratgacha qizdiriladi. Rostlash tirsakli valning maksimal aylanishlar chastotasida olib boriladi. Unda to‘kuvchi klapanning rostlovchi vinti ochilish yoki yopilish tomonga buralib, moyning bosimi 0,3-0,35 MPa chegaraga keltiriladi, bunda sovuq moyda motorni yurgizish bosimi 0,4 MPa dan yuqoriga ko‘tarilmasin.
Dag‘al tozalash filtrining filtrlovchi elementlari 220-250 soatdan so‘ng tekshiriladi. Ularning ifloslanganlik darajasi seksiyani dizel yonilg‘isi bilan to‘ldirish vaqti bilan aniqlanadi. Buning uchun tashqi cho‘kmalardan tozalangan seksiyani vertikal holatda dizel yonilg‘isiga cho‘ktiriladi. Seksiyaning bo‘g‘izi avvaldan rezina yoki yog‘och tiqin bilan bekitib qo‘yiladi. Agar seksiyani to‘lish vaqti 40 s dan ortiq bo‘lsa, uni yuqori bosimli yonilg‘i oqimida yuvish lozim.