Тошкент Давлат техника

Porshen halqalarini tekshirish va almashtirish. Porshen halqalarini ko‘zdan kechirish va porshen halqalarini almashtirish uchun motor qisman bo‘laklarga ajratiladi, undan silindrlar kallagi, moy karteri, moy nasosi, shatunlar qopqog‘i echib olinadi.
Porshen halqalari va shatun bilan komplekt holda silindrning yuqori teshigi orqali chiqarib olinadi, bunda dastlab gilzaning belbog‘i qurumdan tozalanadi. Shatunning pastki kallagini ajralish tekisligida o‘yilish hosil bo‘lishini oldini olish maqsadida porshenni chiqarib olishda metall predmet bilan shatunga urish ma’n qilinadi.
Halqalarning holatini nazorat qilish ularni porshen ariqchalarida qo‘zg‘aluvchanligini aniqlashdan boshlanadi.
Qo‘zg‘aluvchanlikni tiklash uchun porshenlar halqalari bilan 5-6 soat davomida kerosinli bakka botirib qo‘yiladi.
Undan so‘ng halqa va porshen ariqchalari qurumdan tozalanadi, yuqori kompression halqalardan boshlab halqalar va porshen ariqchasi o‘rtasidagi tirqish tekshiriladi.
Agar gilza o‘rnatilgan halqadagi tirqish 3 mm dan ortiq, halqa va porshen ariqchasi o‘rtasidagi tirqish 0,3 mm dan katta bo‘lsa porshen halqalari almashtiriladi.
Yangi halqalar o‘rnatilgandagi tirqish 0,3 – 0,55 mm oraliqda bo‘lishi kerak. Halqa bilan ariqcha o‘rtasidagi tirqish kompression halqalar uchun 0,08 – 0,125 mm va moy sidiruvchi halqalar uchun esa 0,04 – 0,085 mm ga teng bo‘lishi lozim.
Agar halqalar va porshen ariqchalari yangi halqalarning balandligidan 0,3 mm ga katta bo‘lsa porshen almashtirilishi kerak.
Yangi motorlarda yuqorgi siquvchi halqa xromlanadi, ta’mirlashda xromlanmagan halqadan foydalanishga ruxsat etiladi. Bunda ularning yo‘nilmalari yuqoriga qaratib qo‘yiladi, agar yo‘nilma pastga qaragan bo‘lsa, moy sarfi ortadi.
Halqa va porshen birikmasining to‘g‘riligi gorizontal holatda porshenni burib tekshiriladi. Bunda halqa ariqchalarda silliq siljishi va ular o‘zlarining og‘irlik kuchi ta’sirida silindrga ko‘milishi lozim.
Porshenlarni silindrlarga o‘rnatishdan avval, halqani shunday joylashtirish kerakki, qulflardagi tirqish porshen aylanasi bo‘yicha tekis joylashsin.