Toshkent davlat sharqshunoslik instituti qosimjon sodiqov turkiy til tarixi

 
OT 
 
Otlarning yasalishi 
 
Morfologik  usulda  otlar  ikki  xil  asosdan  –  ot(ismlar)ga  va 
fe’llarga yasovchi qo‘shimchalar qo‘shish yo‘li bilan yasaladi.   
1. Otdan (ismlardan) ot yasovchi qo‘shimchalar. Bular: 
-čï,  -či  affiksi.  Ushbu  qo‘shimcha  kasb-kor,  yumush  egasi 
ma’nosini anglatuvchi ot yasaydi. Ko‘k turk bitiglarida: yoğčï – 
azachi,  sïğïtčï  –  yig‘ichi,  ayğučï  –  maslahatchi,  yerči  –  yerni 
(hududni)  yaxshi  biladigan  kishi;  Huast.  da:  nomčï  –  diniy 
ta’lim  beruvchi,  pir,  ustoz;  ötägči  –  qarzdor,  ba’zan  ötägči 
birimči  shaklida  ham  qo‘llaniladi;  täŋriči  –  xudojo‘y,  dindor; 
MK da: otačï – tabib, tarïğčï – dehqon, emči – shifokor , etükči 

---

 
146
– etikdo‘z; AT da: suwčï – dengizchi, kemäči – kema boshlig‘i, 
kapitan; KTT. da: temürči – temirchi, baqïrčï – misgar, bitigči 
– kotib, etmäkči – nonvoy, etči – qassob.   
Alisher  Navoiyning  yozishicha,  mansabning  yo  hunarning 
va  yo  peshaning  izhori  uchun  ba’zi  so‘zlar  so‘ngida  -čï,  -či 
qo‘shimchasini  orttirurlar.  Mansabda  andoq-ki:  qorčï,  sučï, 
hizānačï,  keräk  yaraqčï,  čögänči,  nizäči,  šükürči,  yurtčï, 
šilänči,  axtačï;    hunar  va  peshada  andoq-ki:  quščï,  barsčï, 
qoruqčï, tamğačï, jibäči, yorğačï, xalvačï, kemäči, qoyčï. Qush 
hunarida ham bu istiloh bordir. Andoq-ki: qazčï, quščï, turnačï, 
kiyikči, tawušqančï (ML.178).    
-daš~δaš,  -däš~δäš  affiksi.  QB  da:  qaδaš  –  qarindosh, 
qoldaš – qo‘ldosh, köŋüldäš – ko‘ngildosh;  MK da: qarïndaš – 
qarindosh,  yerdäš  –  yerdosh,  bir  yerlik,  emükdäš  –  emikdosh, 
bir onani emgan. 
-lïq,  -lik,  -lïğ,  -lig  /  -luq,  -lük,  -lug,  -lüg  affiksi.  QB  da: 
qarïlïq  –  qarilik,  uluğluq  –  ulug‘lik,  saqlïq  –  xushyorlik, 
yaruqluq  –  yorug‘lik,  yigitlik  –  yigitlik,  esänlik  –  esonlik,  
čečäklik  –  gulzor;  MK  da:  tawarlïq  –  xazina,  ačlïq  –  ochlik, 
qağunluq  –  qovun  poliz,  tarïğlïq  –  ombor,  eliglik  –  qo‘lqop, 
közlük  –  ko‘zoynak;  AH  da:  čïğaylïq  –  qashshoqlik,  suqluq  – 
suqlik, toqluq – to‘qlik.  
-duruq, -dürük / -turuq, -türük affiksi. KTT da: kömüldürük  
– otning ko‘krak yopqichi. Hozirgi o‘zb.: boyunturuq.   
-duq,  -dük  affiksi.  MK  da:  burunduq  –  tuya  anjomi, 
boshbog‘. 
-daq, -däk affiksi. MK  da:  bağïrdaq – siynalik (qiyoslang: 
KTT da: bağïrdaq – beshik bog‘i). 
-čuq,  -čük  affiksi.  KTT.24  da:  yančuq  (yan  –  “yon” 
so‘zidan) – to‘rva; MK da: örčük – o‘rama soch. 
-qay, -ğay, -käy, -gäy affiksi. Hozirgi uyg‘ur.: täskäy (täris-
käy), küngäy; o‘zb.: terskäy, küngäy; quzğay. 
-duz,  -düz  /  -tuz,  -tüz  affiksi.    QB  da:  yulduz  (qiyoslang, 
taqlidiy so‘z: yalt-yult), kündüz.    

---

 
147
2. Fe’ldan ot yasovchi qo‘shimchalar. Bular quyidagilardir: 
-q,  -k /  -ğ,  -g  affiksi.  Ko‘k  turk  bitiglarida:  otlaq  –  o‘tloq, 
töšäk – to‘shak; qapïğ – eshik, darvoza (QB da: qapuğ), körüg 
– kuzatuvchi,  josus; QB da:  kečik – kechuv joyi, tiläk – tilak, 
yöläk  –  yordamchi,  bezäk  –  bezak,  tapuğ  –  xizmat,  bilig  – 
bilim, aytïğ – savol; MK da: qïšlağ – qishloq, yaylağ – yaylov, 
suwlağ – suv toshgan yer, tarïğlağ – ekinzor, qušlağ – qushlar 
makoni, tutuğ – garov, qonuq – mehmon; AH da: qïlïq – odat; 
ölüg – o‘lik, tirig – tirik. Taf. da: sïnağ – sinov, soruğ~soruq – 
so‘roq, bïčaq – pichoq.  
Navoiyning  yozishicha,  mazkur  qo‘shimchani  mahal  va 
makonga  qo‘shib,  bir  fasl  yo  bir  amrga  mansub  qilurlar. 
Andoq-ki: qïšlaq, yaylaq, awlaq, qušlaq (ML.178). 
Yoki yana solishtiring, hozirgi o‘zb.: qïšlaq, yaylaw (
la-ğ/q;  yay  –  “ko‘klam”,  yaylağ  –  “ko‘klamni  o‘tkazadigan 
yer” 
ma’nosida). 
Bu 
so‘zlarning 
qadimgi 
matnlarda 
qo‘llanilishiga  e’tibor  bering:  Talïm  qara  qušman,  yašïl  qaya 
yaylağïm, qïzïl qaya qïšlağïm-ol. – Yirtqich  burgutman,  yashil 
qoya yozni o‘tkazar yerim, qizil qoya qishlar yerimdir (İB.51). 
-m  affiksi.  QB  da:  alïm  –  olim,  berim  –  berim;  MK  da: 
aqïm  –  oqim,  sağïm  –  sog‘im,  tizim  –  tizim,  bog‘,  bičim  – 
bichim, ölüm – o‘lim. Hozirgi uyg‘ur.: qatlam, aldam – aldov, 
bağlam, uqum – tushuncha, kiyim, ösüm – o‘sish.  
-maq, -mäk affiksi.  MK  da:  čaqmaq – chaqmoq,  qïsmaq – 
petlya. 
-qïn,  -ğïn  /  -qun,  -ğun,  -kin,  -gin  /  -kün,  -gün  affiksi.  MK 
da:  tutğun  –  tutqin,  qačğïn  –  qochqin.  Hozirgi  o‘zb.:  basqïn, 
tašqïn, yanğïn, učqun, yalqïn, köčkin, sürgün, epkin. 
-qan,  -kän  /  -ğan,  -gän  affiksi.  Hozirgi  uyg‘ur.:  tuqqan  – 
tug‘ishgan, qapqan, čeqïlğan – chaqmoq. 
-qïč, -ğïč, -kič, -gič / -quč, -guč, -küč, -güč affiksi. Buyum, 
narsa, qurol,  yarog‘ otini yasaydi.  Ko‘k turk bitiglarida: ačquč 
– ochqich, kalit; MK da: bïčğuč – qaychi. Hozirgi o‘zb.: qïrğïč, 

---

 
148
očïrğïč  (  uyg‘ur.:  basquč,  qïrğuč,  körsätküč, 
yälpigüč. 
-qaq,  -ğaq,  -käk,  -gäk  affiksi.  QB  da:  yatğaq  –  qorovul, 
turğaq  –  soqchi;  MK  da:  orğaq  –  o‘roq,  turğaq  –  sir  oluvchi 
qo‘shin, tirsgäk – tirsak.   
-ma, -mä affiksi:  MK  da:  tügmä – tugma,  süzmä  – suzma, 
kesmä – soch kesmasi. Hozirgi o‘zb.: surma, qatlama, süzmä. 
-qu, -ğu / -kü, -gü affiksi. MK da: bïčğu – pichoq, süpürgü 
–  supurgi,  külgü  –  kulgu;  QB  da:  yegü  –  yegulik,  kedgü  – 
kiyim. Taf. da: bïčqu – qilich.  
Shu o‘rinda közgü so‘zining yasalishiga e’tibor qilaylik. Bu 
so‘zda  -gü  qo‘shimchasi  ot(köz)dan  ot  yasagan.  Aslida  u  fe’l 
o‘zagidan ot yasovchi qo‘shimchadir. Aftidan, bu o‘rinda o‘zak 
köz  (ot)  emas,  kör-  (fe’l)  bo‘lgan  bo‘luvi  kerak:  kör->köz-
>köz-gü>közgü. Qiyoslang, İB. da: közüŋü – ko‘zgu, oynak. 
-n  affiksi.  MK  da:  aqïn  –  sel,  yïğïn  –  yig‘in,  ekin  –  ekin, 
egin  –  yelka,  kift,  boğun  –  bo‘g‘un;  QB  da:  tügün  –  tugun. 
Hozirgi  uyg‘ur.:  eqïn  –  sel,  jïğïn;  o‘zb.:  yïğïn,  otun,  quyun, 
tügün, kelin.  
Ushbu affiks joy, makon otini ham yasaydi: qorğan (qor-ğa 
–  “qo‘ri,  himoya  qil”  so‘zidan)  –  qo‘rg‘on.  Yoki,  solishtiring: 
Qazan  ((qaz-ğa  –  “g‘alaba  qozon”  so‘zidan)  – 
shahar  nomi,  Qozon.  Lekin  “idish”  anglamidagi  qazan 
so‘zining  o‘zagi  qaz-  fe’liga  bog‘lanadi.  Qiyoslang:  hozirgi 
o‘zb.: qazïmaq, qazïq ham shu asosdan. 
-č  affiksi.  QB  da:  qïlïnč  –  qilmish,  fe’l-atvor,  saqïnč  – 
eslash,  sewinč  –  sevinch;  MK  da:  ötünč  –  qarz,  urunč  –  pora, 
ökünč – o‘kinch;  AH da: sökünč – so‘kinch; Huast. da: yükünč 
–  yukunch  (yükün-  “yukunmak,  sig‘inmoq,  topinmoq” 
fe’lidan). 
-š affiksi. MK da: uruš – urush, toquš – jang, kurash, čïqïš 
– foyda, kečiš – kechuv; QB da: alqïš – olqish (alqa – “maqta” 
so‘zidan), qarğïš – qarg‘ish (qarğa- so‘zidan), söküš – so‘kish; 
AH da: ülüš – hissa. 

---

 
149
-man,  -män  affiksi.  MK  da:  sïqman  –  uzumni  siqadigan 
vaqt,  sökmän  –  alp,  qahramon.  Hozirgi  turk.:  öğretmen  – 
o‘qituvchi; o‘zb.: bilärmän, taparman-tutarman. 
-ğa, -gä affiksi.  MK da:  bilgä – donishmand,  olim,  hakim, 
ögä – aqlli odam, bilimdon. 
-wul, 
-wül  affiksi. 
Navoiyning 
yozishicha, 
ushbu 
qo‘shimcha ko‘magida bir muabbir va bir maxsus sifatga tayin 
qilurlar-ki,  sultonlarning  xoh  bazm  asbobi  uchun,  xoh  bazm 
jihoti  uchun  mo‘’tabardir.  Andoq-ki:  hiräwül,  qarawul, 
čaŋdawul,  yaŋawul,  sözäwül,  tapawul,  kitpäwül,  yasawul, 
bökäwül,  šïğawul,  daqawul  (ML.178).  KN da:  harawul, 
čandawul.  Qiyoslang,  hozirgi  o‘zb.:  qarawul.  Yoki  xalq 
ertaklarining  böri  bäkäwül  ekän,  tülki  yasawul  ekän 
boshlamasini eslang.  
-sïq,  -sik  /  -sïğ,  -sig  /  -suq,  -sük  /  -suğ,  -süg  affiksi.  Ko‘k 
turk bitiglarida: kün toğsuq – kun chiqar (Sharq), kün batsïq – 
kun botar (G‘arb). Qiyoslang, MK da: kün toğsuğ, kün batsïğ. 
-t affiksi. MK da: ögüt – nasihat, pand. 
-qa, -kä affiksi. Bu affiks hashorat otlarida uchraydi.  KTT. 
da:  sarïnčqa,  kitobda  qayd  etilishiga  ko‘ra,  turkmanchada 
čekirgä  ham  deyilgan  (qiyoslang,  hozirgi  o‘zb.:  čigirtkä), 
qumursqa, qasïrtqa – kana. 
-wač, -wäč / -ğač, -gäč affiksi. MK da: sanduwač – bulbul 
(solishtiring,  o‘zb.  shevalarida  sannaqčï  –  oqin,  xalq 
qo‘shiqchisi). Hozirgi o‘zb.: qaldïrğač.