Тошкент давлат иқтисодиёт университети ҳузуридаги Педагог кадрларни қайта тайёрлаш ва уларнинг малакасини ошириш тармоқ маркази тингловчиси Убайдуллаев Лутфулла Хабибуллаевичнинг “Корхонанинг асосий фондлари ва айланма маблағлари

1 бобнинг иккинчи қисмида “Иқтисодиёт ва менежмент” фанини ўқитишдаги инновациялар ва илғор хорижий тажрибалар
Олий таълим муассасаларининг талабалари учун “Иқтисодиёт ва менежмент” фанини ўрганишнинг катта аҳамияти бор бўлиб, улар корхона ва ташкилотлардаги иқтисодий жараёнларнинг боришини, улардаги иқтисодий ресурслар ҳамда бу ресурслардан самарали фойдаланиш, рағбатлантиришни такомиллаштириш, меҳнат унумдорлигини ошириш, ишлаб чиқариладиган маҳсулотлар ва хизматларнинг таннархини пасайтириш, фойда ва рентабеллик даражаларини ошириш, корхонада самарали бошқарувни йўлга қўйиш, оқилона қарорлар қабул қилиш сингари масалаларни ўрганадилар. Талабаларнинг “Иқтисодиёт ва менежмент” фанининг ҳусусиятларини ўз ичига олган масалаларни чуқурроқ ўрганишлари, мустақил мушоҳада юритишлари, самарали қарорлар қабул қилиш бўйича кўникмаларини ривожлантириш учун олий таълимнинг пррофессор-ўқитувчиларига юқори даражада талаблар қўйилади. Малака ошириш жараёнида билиб олдикки, Олий таълимнинг профессор-ўқитувчилари ўзларининг касбий компетентлигини ривожлантириш, замонавий касбий билим, малака ва кўникмалар билан қуролланиш, илмий-техник инновациялардан, янгиликлардан мустақил равишда ижодий фойдаланиш ҳамда истиқболдаги ривожланиш билан боғлиқ вазифаларни ҳал қила олиш кўникмаларини ривожлантириш билан бирга мустақил қарорлар қабул қила олиш орқали рақобатбардош кадрлар тайёрлаш муҳим вазифалардан ҳисобланади.
Ушбу фан бўйича шуғулланаётган профессор-ўқитувчилар таълимнинг узвийлиги ва узлуксизлигини таъминлаш; олий таълимда ўқув жараёнини ташкил этишнинг илғор педагогик технологияларини жорий қилиш, бу борада ўқув-услубий мажмуалар сифатини таъминлаш, педагогик технологияларни жорий этишда компьютер ва интернетдан фойдаланиш бўйича саводхонлигини доимий ошириб бориш; олий таълимнинг ахборот-ресурс ва замонавий ўқув адабиётлари билан таъминотини янада ривожлантириш; мазкур йўналишларда илғор хорижий тажрибаларни ўрганиш боришлари ва улардан ўзларининг касбий фаолиятларида фойдаланишлари талаб этилади.
Таълим сифатини ошириш мақсадида инновацион таълимдан фойдаланилади. Инновацион таълимнинг мақсади таълим олувчиларда келажакка масъулият ҳиссини ва ўз-ўзига ишончни шакллантиришдир. Инновацион таълимни тавсифи: Инновацион таълим янги ва турли ўзгариб турган вазиятларда биргаликда ҳаракатланиш қобилиятини ривожлантиришни кўзда тутади ва бу ҳозирги вақтда мутахассислар тайёрлашда жуда муҳим ҳисобланади.