Тошкент давлат иқтисодиёт университети ҳузуридаги Педагог кадрларни қайта тайёрлаш ва уларнинг малакасини ошириш тармоқ маркази тингловчиси Убайдуллаев Лутфулла Хабибуллаевичнинг “Корхонанинг асосий фондлари ва айланма маблағлари

Интерфаол методлар: “Кейс-стади”, “Блиц-сўров”, “Моделлаштириш”, “Ижодий иш”, “Муносабат”, “Режа”, “Суҳбат” ва бошқалар.

2. Стратегиялар: “Ақлий ҳужум”, “Бумеранг”, “Галерея”, “Зиг-заг”, “Зинама-зина”, “Музёрар”, “Ротация”, “Т-жадвал”, “Юмалоқланган қор” ва ҳ.к.
3. График органайзерлар: “Балиқ скeлети”, “БББ”, “Концептуал жадвал”, “Венн диаграммаси”, “Инсерт”, “Кластер”, “Нима учун?”, “Қандай?” ва бошқалар.
Буларни амалиётда қўллаш ва амалга ошириш батафсил битирув ишда келтирилган.

Интерфаол таълим методлари ва уларни таълим амалиётида қўллаш қуйидагича амалга оширилиши мумкин.
1. “Кейс-стади” - (инглизча сase - тўплам, аниқ вазият, stadi -таълим) кейсда баён қилинган ва таълим олувчиларни муаммони ифодалаш ҳамда унинг мақсадга мувофиқ тарздаги ечими вариантларини излашга йўналтирадиган аниқ реал ёки сунъий равишда яратилган вазиятнинг муаммоли-вазиятли таҳлил этилишига асосланадиган таълим услубидир. Кейс – бу реал хаётнинг «бир бўлаги» (инглиз терминалогиясида TRUE LIFE). Кейс – фақат вазиятни тўғри ёритиш эмас, балки вазиятни тушунтириш ва баҳолашга имкон берадиган ягона маълумот комплекси. Кейсда акс этган вазият, бу реал ёки сунъий ҳодисани институционал тизимда маълум вақтда ҳаётда юзага келишини акс эттиради.
2. Моделлаштирувчи амалий ўйинлар ва машқлар. Бу услубда дарсда ўрганилаётган мавзу бўйича фаолият абстракт усуллардан фойдаланиб, реал воқеликка иложи борича яқинлаштирилади. Имитация қилинган “ишлаб чиқариш” ёки “хизмат кўрсатиш” жараёнида ўзлари қатнашганлари учун талабаларга жуда қўл келади. Моделлаштирувчи ўйинда талабалар ўзларига белгиланган ролларни бажарадилар. Ўз хатти –ҳаракатлари орқали зарур малака ва кўникмаларни эгаллашади. Масалан, интенсив иқтисодий ўсишда айрим муаммоларни ҳал қилиш йўллари талабалар томонидан роллар ижро этиш орқали кўрсатилади. Сўнгра уни бозор иқтисодиёти тизимида самарали ҳал қилиш мумкинлиги асосланади.
3.Кластер - (Кластер-тутам, боғлам) - ахборот харитасини тузиш йўли - барча тузилманинг моҳиятини марказлаштириш ва аниқлаш учун қандайдир бирор асосий омил атрофида ғояларни йиғиш. Билимларни фаоллаштиришни тезлаштиради, фикрлаш жараёнига мавзу бўйича янги ўзаро боғланишли тассаввурларни эркин ва очиқ жалб қилишга ёрдам беради.