Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Ахборот тизими – ахборотни тўплаш, сақлаш, излаш, унга ишлов бериш ҳамда ундан фойдаланиш имконини берадиган, ташкилий жиҳатдан тартибга солинган жами ахборот ресурслари, ахборот технологиялари ва алоқа воситаларидир ².
9.2. Жамият тараққиётида ахборот ролининг ошиб бориши
Халқаро иқтисодий ташкилотлар томонидан ўтказилган ўрганиш натижаларига кўра, ҳозирги пайтда ахборот-коммуникация технологиялари (АКТ) инновацияларнинг ривожланишида, мамлакатнинг ишлаб чиқариш ва рақобатбардошлигини ошириш, иқтисодиётни диверсификация қилиш ва тадбиркорлик фаолиятини қўллаб-қувватлаш ҳамда аҳолининг ҳаёт даражасини оширишда муҳим ўрин тутади. Бугунги кунда АКТнинг ривожланиш ҳолати ва мамлакатнинг иқтисодий барқарорлиги ўртасидаги боғлиқлик илмий исботланган. Шу боисдан ҳам мамлакатимизда 2018 йил, “Фаол тадбиркорлик, инновацион ғоялар ва технологияларни қўллаб-қувватлаш йили” деб ном берилди. 2019 йил 29 ноябрда Президентнинг “Ўзбекистон Республикаси инновацион ривожланиш вазирлиги ташкил этиш тўғрисида”ги Фармони билан Инновацион вазирлиги ташкил этилди. 2017 йил 30 июндаги Ўзбекистон Республикаси Президентининг “Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида”ги Фармони билан биринчи марта ахборот технологиялари ссоҳасида хҳжалик юритувчи субъектларни, дастурий маҳсулотларни ишлаб чиқарувчиларни бирлаштирадиган Ахборот технологияларини ишлаб чиқиш ва жорий қилишни қўллаб-қувватлаш бўйича “Mirzo Ulugbek Innovation Center” инновация маркази тузилди.

9.2.1.-Чизма

Фармонга мувофиқ Инновацион марказ резидентларини ҳуқуқий жиҳатдан қўллаб-қувватлаш бўйича бир қатор ҳуқуқлар берилди: 1) барча турдаги солиқ ва ижтимоий тўловлардан озод қилиш; 2) ишлаб чиқарган товарларини экспорт қилишда ёрдам бериш; 3) қўшимча имтиёзлар бериш, даромад солиғидан пенсия жамғармасига 4,5 фоиз ставка бўйича суғурта бадалларига ўтказиш ва ҳоказо.


9.2.2.-Чизма
Ўзбекистон Президенти Шавкат Мирзиёев раислигида 2018 йил 9 январ да АКТ ларини янада ривожлантириш ва хавфсизлигини таъминлаш бўйича амалга оширилаётган чора-тадбирлар натижалари кўриб чиқилди. 2017 йили рақамли телевидения қамрови 88 фоизда 100 фоизга еткалди. Мобиль алоқадан фойдаланувчилар сони 7 фоиз ошиб, 22,8 миллионга етди.