Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

9-мавзу Илмий тадқиқотда ахборот ва ахборот технологияларидан фойдаланиш.

9.1. Ахброт, билим, маълумот тушунчалари.

9.2. Жамият тараққиётида ахборот ролининг ошиб бориши.
9.3. Ахборотлашган жамият концепцияси.
9.4. Электрон кутубхона.


9 - Мавзу. Ахброт, билим, маълумот тушунчалари.



Бугунги кунда ахборот коммуникация технологиялари Интернет тизимини кенг ривожлантирмасдан туриб мамлакатимизни модернизация қилиш ва янгилаш, барқарор тараққиётга эришиш ҳақида сўз юритиш мумкин эмас.
Шавкат Мирзиёев,
1-жилд, 86 бет 2017 йил.
Ахборот (араб. ахборот-хабарлар, маълумотлар)- муайян воқеа – ҳодисалар тўғрисидаги хабар ёки маълумот, уларни тушунтириш, тушуниш ва идрок этшда қадим замонлардан буён қўлланиб келинаётган, кибернетика ва информатининг тараққиёти туфайли кейинги вақтда янги, кенг маъно касб этаётган тушунча.
Ахборот (ингиз), информация (рус) тилларидан олинган бўлиб, бу
- Тақдим этилиши шаклидан қатъий назар шахс, предмет, далил, воқеа ҳодиса ва жараёнлар ҳақидаги маълумотлар.

1. 
   Далил, воқеа, ҳодиса, предмет каби объект ҳақидаги билим-маълумотлар ҳамда тушунчалар ва буйруқлар.
   
2. 
   Маълум хос матнда аниқ маънога эга бўлган тушунчаларни ичига олувчи далил, воқеа, ҳодиса, предмет, жараён, тақдимот каби объектлар ҳақидаги билим (маълумотлар).
   
3. 
   Қизиқиш уйғотиш мумкин бўлган ва сақланиши ва қайта ишланиши лозим бўлган жами далил ва маълумотлар.
   
4. 
   Турли объектларнинг ўзаро ишлашида рўй берувчи акс этиш жараёнининг актив ҳаракатларни таъминлаш учун яроқли натижалар. Шунингдек, биров, бирор нарса тўғрисидаги маълумотлар.
   
5. 
   Акс этган хилма-хилликдир.¹⁷
   

АХБОРОТ
9.1.1 –Чизма



Сўнгги йилларда “ахборот”, “инвариантлик”, “номуайянлик” каби умумилмий тушунчалар фалсафий таҳлили предметига айланди.
Билимнинг у ёки бу тармоқларида юзага келган ва илмий билишнинг мантиқий-методологик воситалари даражасига кўтарилган бу тушунчалар нафақат объектлар ва жараёнларни кўришнинг умумий усуллари, балки ривожланаётган билимни таҳлил қилиш шакллари ҳамдир.