Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Инновацион ривожланишнинг асосий йўналишлари:

1. 
   Мамлакат интелектуал ва технологик салоҳиятини оширишнинг стратегик оежалаштириш тизимини яратиш.
   
2. 
   Давлат бошқарувчининг инновацион шаклларини жорий этиш.
   
3. 
   Фан ва инновация фаолиятини ривожланитиришнинг замонавий инфратузилмасини шакллантириш.
   
4. 
   Инвеститцияларни кенг жалб этишни таъминловчи норматив-хуқуқий базани такомиллаштириш.
   
5. 
   Иқтидорли ёшлар фаол иштирок этиши учун қулай шароитлар яратиш.
   
6. 
   Унинг самарали механизмларини яратиш, чет эл инвесторлари иштирокини ташкил этиш, моддий техника базасини мустаҳкамлаш.
   
7. 
   Табиатни муҳофаза қилиш, муқобил энергия манбаларини, сувни тозалаш ва чуқурлаштириш ундан оқилона фойдаланишнинг замонавий шаклларини жорий этиш.
   
8. 
   Жамиятда соғлом турмуш тарзини шакллантириш ва соғлом авлодни тарбиялаш.
   
9. 
   Аграр соҳага инновацион ғояларни, ишланма ва технологияларни жорий этиш, экспорт салмоғини ошириш.
   
10. 
    Иқтисодиётни реал сектор тармоқларини ривожлантириш.
    
11. 
    Инновацион фаолият соҳасида хорижий (халқаро) ташкилотлар билан ҳамкорликни кенгаштириш.
    

8.4. Кашфиёт ва ихтиролар
Кашфиёт - изланиш, текшириш илмий тадқиқот натижасида, баъзан эса тасодифий топилган, яратилган илмий янгиликлар. Унга табиат ҳодисалари ва жамият қонуниятларини онгли равишда илмий идрок қилиш натижасида эришилади. Кашфиёт туфайли моддий дунёнинг илгари маълум бўлмаган объектив қонуниятлари, хоссалари ва ҳодисалари маълум бўлади. Кашфиёт инсониятнинг билиш жараёни даражасини тубдан ўзгартиради. Кашфиёт фан - техника инқилобининг асосини ташкил этади, фан ва техника тараққиётига тубдан янги йўналишларни бахш этади. Инсон босиб ўтган тарихий жараёнда жуда кўп кашфиётлар қилинди. Кашфият билан ихтирони бир-биридан фарқлай билиш керак. Кашфиёт натижасида муайян қонуниятлар яратилади. Ихтиро натижасида муҳим янгиликлар яратилиши мумкин.