Тошкент давлат иқтисодиёт университети И. Саифназаров, А. Мухтаров, Т. Султонов, Д. Эрназаров Илмий тадқиқот методологияси

Қонуниятлари:

1) Статистик қонуниятлари – тахминий тақсимланишлар тилида таърифланади ва катта сонлар негизидаги оммавий ҳодисаларнинг қонунлари сифатида намоён бўлади;
2) Динамик қонуниятларда дунёга илмий ёндашув намоён бўлади.

10. 
    Оммавий маданият даражаси:
    
    1. 
       Миг маданият – ўрта табақа;
       
    2. 
       Арт маданият – юқори элита табақа;
       
    3. 
       Кит маданият – паст табақа маданияти.
       
11. 
    Аниқлаш (дефиниция) – мулоқот, баҳс, мунозара ва тадқиқотда тушунмовчиликнинг олдини оладиган энг ишончли усуллардан бири. Аниқлаш мақсади – қўлланаётган тушунчалар моҳиятига аниқлик киритишдан иборат.
    
12. 
    Анализ – предметни хаёлий ёки амалда таркибий қисмларга ажратиш йўли билан элементлар бўйича ўрганиш.
    
13. 
    Синтез –объектни яхлитлигича, таркибий қисмлари бирлиги ва боғиқ ҳолида ўрганиш; таҳлил жараёнида қисмларга ажратилган бўлакларнинг алоқаларини белгилаб, яхлитга бириктириш.
    
14. 
    Эпистемология – билим, унинг тузилиши, тузулмаси ва ривожланишини тадқиқ қилувчи фалсафаий методологик таълимот.
    

2 – Мавзу. Билимлар тизимида илмий билимларнинг ўрни.
Ижод ва илмий тадқиқот.
2.1. Билим ва унинг асосий шакллари.
2.2. Илмий билимнинг ўзига хос хусусиятлари.
2.3. Ижод – янги қадриятларни яратиш омили.
2.4. Илмий ижодий фаолиятда олимнинг шахсий фазилатлари.

1. 
   
   Албатта, фақат замонавий билим ва касб-ҳунарларни пухта эгаллаган, мустақил фикрлайдиган, доимо эл-юрт тақдирига дахлдорлик туйғуси билан яшайдиган сиз, азиз ёшларимиз майдонга дадил чиқиб, бугунги кунда ҳаётнинг ўзи олдимизга қўяётган вазифаларни ҳал этишга қодирсизлар.
   Шавкат Мирзиёев,
   2017 йил 30 июнь
   Билим ва унинг асосий шакллари
   

Билим – ижтимоий-тарихий, амалиётда текширилган ва мантиқан тасдиқланган, воқеликни билиш жараёнида эришилган натижа. Шу воқеликни инсон онгида тасаввурлар, тушунчалар, муҳокама ва назариялар орқали ифодаланган инъикоси; кишиларнинг табиат ва жамият ҳодисалари ҳақида тўпланган маълумотлар; воқеликнинг инсон тафаккурида акс этиши. Инсон ва жамиятни билимсиз тасаввур қилиб бўлмайди. Инсон билими орқали инсонийлигини намоён қила олади.