Тошкент – 2016 Тожиев М

Лойиҳалаш методи-дидактик мақсадга эришиши учун муаммоларни топиш, аниқлаш ва уларни ишлаб чиқиш (технологияларини) усулларидир. Лойиҳада ғоялар пайдо бўлиши ва кучайиши мавжуд. Лойиҳалашда натижани кўриш, чуқур мулоҳаза қилиш ва уни ҳаётда қўллаш мумкин.
Лойиҳалаш методида (ижтимоий ёки шахсий) муаммолар мавжуд бўлиб, бу муаммоларни ечишда билимларни интеграллашуви (жамланиши), ечимни тадқиқот қилиш билан топиш; кўзланган (тахмин қилинган) натижаларни назарий, амалий, билим орттирилганлигига хизмат қилиши ва муҳимлиги; таълим олувчиларнинг мустақил (индивидуал), жуфт, гуруҳ, жамоа бўлиб, таълим олиш фаолияти; лойиҳа мазмунини структуралаш (ҳар бир босқич натижалари кўрсатилган ҳолда); изланиш методларини қўллаш (муаммоларни аниқлаш ва бу муаммолардан келиб чиқувчи изланиш масалаларини аниқлаш, гипотезаларни топиш ва уларни ечиш учун тақдим этиш, изланиш методларини муҳокама этиш, натижаларни таҳлил қилиш, натижаларни расмийлаштириш, хулосалар чиқариш). Таълим олувчилар мавзуни лойиҳалаштиришда ўрганилган билимларини чуқурлашиши ва натижаларнинг амалий ҳаёт билан боғланиши ҳамда олган билимларнинг табиий равишда интеграллашуви содир бўлади. Лойиҳалаштириш методи анъанавий методикада ишлаб чиқилган ва қўлланилаётган методлар билан замонавий педагогик технологияларни ўзида мужассамлаштиради.
Юқорида келтирилган фикрларни инобатга олиб ушбу бобда дастурлаштирилган электрон ўргатувчи дастур тайёрлаш ҳақидаги фикрларимизни геометрия курсидаги «Учбурчаклар» мавзуси мисолида асослаймиз.
Учбурчак тушунчасига таъриф беришдан аввал (таянч тушунчалар): учбурчак тушунчаси, томонлари, периметри, учлари, баландлиги биссектрисаси, медианаси, ўрта чизиғи учбурчак турлари, хоссалари, теоремалар ва уларнинг тадбиқларига масалалар ечишга оид ўқув материаллари берилади. Учбурчак тушунчасига оид ўқув материали дастурлаштирилган таълим методига асосан кичик қисмларга ажратамиз:
1-қисм. Учбурчак тушунчаси унинг томонлари, учлари, периметри, баландлиги, медианаси, биссектриссаси, ўхшашлиги ва бурчаклари ҳақида ўрганиш.