Тошкент – 2016 Тожиев М

Дарс ишланмасини тайёрлаш
Ҳар бир дарс:
маълум бир мақсадни амалга оширишга қаратилиши ва пухта режалаштирилган бўлиши;
мустаҳкам маънавий-маърифий жиҳатдан тарбиявий йўналишга эга бўлиши;
дарсни кундалик турмуш ва амалиёт билан боғланган бўлиши;
турли метод, усул ва воситалардан самарали фойдаланган ҳолда олиб борилиши;
таълим олувчиларни қунт билан ишлашларини таъминлайдиган бўлиши;
машғулотларни бутун синф билан ёппасига олиб бориш ва таълим олувчилар билан якка тартибда ишлашни ҳисобга олган ҳолда амалга ошириш режалаштирилган бўлиши лозим.
Машғулотларнинг муваффақиятли ўтиши таълим жараёни тўғри режалаштиришни ташкил этиш ва уни амалга оширишга боғлиқдир.
Ўқув жараёнини режалаштириш
Ўқув жараёнини режалаштиришда ўқитувчидан қуйидагиларга амал қилиши талаб этилади :
дарс мавзусини, мақсад ва вазифалари, тури, тарбиявий имкониятларини аниқлаш;
дарс учун керакли кўргазмали қуроллар, дидактик материаллар ва зарур жиҳозларни тайёрлаш;
дарснинг вазифасидан келиб чиққан ҳолда, унинг ҳар бир босқичи учун зарур бўлган материаллар, фактлар, мисол, машқ ва топшириқларни танлаш;
таълимнинг метод ва услубларини тўғри танлаш;
таълим олувчи лар учун мустақил ва уйда бажариладиган вазифаларни белгилаш;
кўникма ва малакаларини баҳолашнинг аниқ мезонларини олдиндан ишлаб чиқиш, машғулотга ажратилган вақтдан тўғри ва унумли фойдаланиш лозим.
Буларнинг барчаси дарс ишланмасида ёки дарснинг технологик харитасида ўз ифодасини топади.
Дарс ишланмаси (Технологик харита)
Дарс ишланмаси (дарснинг технологик харитаси) ўқитувчи томонидан тузилиши мажбурий бўлган ҳужжат бўлиб, уни тузишдан кўзланган асосий мақсад – ўқитувчи билан таълим олувчиларнинг дарс жараёнидаги биргаликдаги фаолиятини режалаштириш, дарс мазмунини ёритиб бериш ва шу орқали таълим самарадорлигини оширишга эришишдан иборат.
Дарс ишланмалари учун тайёр қолип йўқ, чунки жонли дарс жараёнини ҳеч қандай қолипга солиб бўлмайди. Дарс маълум бир мақсадга қаратилган, ДТС ва МТлари асосида таълим олувчиларга билим, кўникма ва малака бериш натижасини аниқ белгилаб олган ҳолда ўқитувчининг маҳорати, таълим олувчиларнинг тайёргарлиги даражаси асосида режалаштирилади.