Тошкент – 2016 Тожиев М

5-босқич. Бу босқичда таълим олувчилар томонидан янги мавзу бўйича билим, кўникма ва малакаларнинг ўзлаштирилиши учун етарли бўладиган вақт ҳажми аниқланади.
6-босқич. Мазкур босқичда эса мисол, машқ ва топшириқлар тизими ишлаб чиқилади. Бунда ўқитувчидан ишлаб чиқилган мисол, машқ ва топшириқлар тизимининг самарадорлигига алоҳида аҳамият бериши талаб этилиб, уларни қуйидаги гуруҳларга ажратиш мумкин:
машғулот жараёнида таълим олувчилар томонидан ҳал этилиши шарт бўлган машқлар;
дарсдан ташқари вақтда бажарилиши режалаштирилган машқлар (масалан: уй вазифалари).
Ўқитувчи мавзу учун мисол, машқ ва топшириқларни тузишида улар бир-бирини тўлдириши, ўзаро алоқадор ва боғлиқ бўлиш ва таълим олувчиларга эволюцион хусусият касб эта олиши лозим.
7-босқич. Таълим жараёнини лойиҳалаштиришнинг бу босқичида ўқитувчи томонидан таълим олувчилар фаолиятини кенг қамровли назорат қилиш, улар фаолиятини баҳолаш бўйича тест тизими ишлаб чиқилади.
Шуни алоҳида таъкидлаш керакки, ҳар бир мавзу бўйича назарий ва амалий жиҳатдан тўғри бўлган тест тизимини ишлаб чиқилиши таълим олувчиларда мазкур мавзу бўйича назарий билимларни етарли даража ўзлаштиришганлик ҳамда қай даражада амалий кўникма ва малакаларни шакллантира олганлигани аниқ ва холис баҳолаш имконини беради.
8-босқич. Таълим жараёнини лойиҳалашнинг мазкур босқичи ишлаб чиқилган лойиҳани бевосита таълим жараёнига татбиқ этилиш ва пировардида таълим жараёнини самарадорлигини аниқлаш имконини беради.
Мазкур босқичда таълим жараёнининг умумий ҳолати, эришилган ютуқлар, йўл қўйилган камчиликлар ва уларнинг юзага келиш сабаблари аниқланади ҳамда таҳлил этилган ҳолда кейинги дарс машғулотлари жараёнида мазкур камчиликларнинг бартараф этишга қаратилган чора-тадбирлар белгиланади.
Таълим жараёнини лойиҳалашда, уни амалга ошириш босқичлари ўртасидаги узвийликни таъминлашга эришиш таълим жараёнининг самарадорлигини таъминланишига олиб келади.


5-§. Дарс машғулотларини модулли ўқитиш технологияси асосида лойиҳалаш методикаси

“Педагогик технология” тамойилларидан [48] келиб чиқиб, дарс ва ўқув машғулотлар лойиҳасини тузишда бажариладиган вазифалар қуйидаги тартибда амалга оширилади. Буни дарс ва ўқув машғулоти лойиҳасини тузиш алгоритми дейилади.