Тошкент – 2016 Тожиев М

1. Дарс мавзуси (тақвим-мавзу режа асосида белгиланади)
1. Дарс мақсади:
Таълимий (таълим олувчиларнинг билим, кўникма ва малакаларини қандай ривожлантириши бўйича мақсадлар белгиланилади).
Тарбиявий (шахснинг қандай сифатлари шакллантирилиши кўрсатилади).
Ривожлантирувчи (таълим олувчилар ақлий фаолиятининг қандай шаклларини ҳамда мантиқий жараёнларини ўзлаштирадилар ва бу қандай ривожлантирувчи натижа бериши ифодаланади.)
2. Дарс тури: (тақвим-мавзу режа бўйича дарснинг тури кўрсатилади)
3. Ўқитиш методлари: (методлар, услублар, педагогик технология)
4. Дарс жиҳози: ўқитишнинг техник восталари, кўргазмали қуроллар, маълумотлар манбаи, ўқитишни дидактик воситалари танланади.
5. Янги билим беришдаги таянч тушунчалар. Янги материални ўзлаштириш учун ёрдам берадиган таянч билимларнинг муҳимларини ажратиш, таълим олувчиларнинг мустақил ишларини режалаштириш, фанга тегишли бўлган тарихий маълумотлар бериш, унинг амалий аҳамияти, ўзига хос саволларнинг кўриниши, фанга бўлган қизиқишни ошириш, масалаларнинг янгича ифода қилиниши, муаммоли вазият яратиш, иш жараёнида назорат шаклини белгилаш, ўз-ўзини назорат қилиш, ўзаро назорат, тескари алоқани ўрнатиш шакллари учун вақт кўрсатилади.
6. Янги тушунчалар ва ҳаракат усулларини шакллантириш:
ўрганилиши лозим бўлган янги тушунчалар ва уларни ўзлаштириш усулларини кўрсатиш;
ДТС ва МТ лари асосида билим, кўникма ва малакаларини шакллантирувчи, дарс учун билимларни кенгайтирилиши ва чуқурлаштирилишини кўрсатиш;
билимни ўзлаштириш босқичида билиш, фаолияти усулларини шакллантириш;
мустақил иш турини аниқлаш;
фанлараро алоқани ўрнатиш усулларини белгилаш;
индивидуал топшириқларни бажариш учун (карточкалар, муаммоли ва маълумотли саволлар) дидактик материалларни белгилаб олиш.
7. Қўллаш (кўникма ва малакаларни шакллантириш).
Дарс жараёнида таълим олувчиларда шакллантирилиши лозим бўлган кўникма ва малакалар аниқ кўрсатилади.
Масалан: саволни тўғри қўйиш малакаси, сабабини аниқлаш, таснифлаш, таққослаш;
тескари алоқа ўрнатиш усуллари белгиланади, сўралиши лозим бўлган таълим олувчилар исми, шарифлари кўрсатилади ва бошқалар.