Тошкент – 2016 Тожиев М

Педагогик технология – техника ресурслари, одамлар ва уларнинг ўзаро таъсирини ҳисобга олган ҳолда таълим шаклларини оптималлаштириш вазифасини қўювчи ўқитиш ва билимларни ўзлаштиришни ҳамма жараёнларинининг лойиҳаларини яратиш, қўллаш ва аниқлашнинг системали методи.
ЮНЕСКО.
Педагогик технология – ўқитувчи маҳоратига боғлиқ бўлмаган ҳолда педагогик муваффақиятни кафолатлай оладиган таълим олувчи шахсини шакллантириш жараёнининг лойиҳасидир.
В.П.Беспалько.
Педагогик технология – ўқитишнинг, таълимнинг шакллари, методлари, усуллари, йўллари, тарбиявий воситаларнинг махсус йиғиндиси ва компановкаси (жойлашуви) ни белгиловчи психологик тартиблар (установкалар) мажмуаси. У педагогик жараённинг ташкилий-услубий воситаларидан иборат.
Б.Т.Лихачев.
Педагогик технология – таълимнинг режалаштириладиган натижаларига эришиш жараёни тафсилоти.
И.П.Волков.
Педагогик технология – ўқув жараёнининг таълим олувчилар ва ўқитувчи учун сўзсиз қулай шароитлар таъминлашни лойиҳалаш, ташкил қилиш ва ўтказиш бўйича ҳамма деталлари ўйлаб чиқилган биргаликдаги педагогик фаолият модели.
В.М.Монахов.
Педагогик технология – педагогик мақсадларга эришиш учун фойдаланиладиган барча шахсий, ускунали ва методологик воситаларнинг тизимли йиғиндисини ва уларнинг амал қилиш тартибини билдиради.
М.В.Кларин.
Педагогик технология, бу сўзсиз риоя қилиш энг юқори натижани кафолатлайдиган кўрсатмалар эмас, балки қонуниятлар бўлиб, уларнинг амалий аҳамиятидан иборат.
В.Ю.Питюков.
Педагогик технология – мажмули фикр юритиш усулини педагогикага сингдириш, бошқача қилиб айтганда, педагогик жараённи мауйян бир мажмуга келтиришдир.
Т.Сакомото.
Педагогик технология – бу ўқитувчи томонидан ўқитиш воситалари ёрдамида таълим олувчиларга муайян ҳолатда ва маълум кетма-кетликда таъсир ўтказиш ва акс таъсир сифатида уларда олдиндан белгиланган шахс сифатларини интенсив шакллантириш жараёни.