Тошдту «Иқтисодиёт назарияси»

Консалтинг – корхоналар, фирмалар, ташкилотларнинг иқтисодий фаолиятига оид масалалар, шунингдек ташқи иқтисодий фаолият соҳаси бўйича ишлаб чиқарувчилар, сотувчлар ва харидорларга маслаҳат бериш.
Лизинг – ишлаб чиқариш иншоотларини, машина, ишлаб чиқариш, транспорт воситаларини шартнома асосида маълум ҳақ эвазига узоқ муддатга ижарага бериш.
Факторинг – мижозга айланма капитал учун кредит бериш билан биргаликда ўтказиладиган савдо–воситачилик ҳаракатларининг бир тури.
Инженеринг – тижорат қоидаларига асосланган инженерлик – маслаҳат хизматлари: ишлаб чиқаришни таъминлаш, маҳсулот сотишни уюштириш, ишлаб чиқариш объектларини қуриб ишга тушириш юзасидан маслаҳат бериш.
Марказий банк иқтисодиётни самарали ривожланишини таъминлайди. Марказий Банк қиммат пуллар сиёсатини амалга оширади (рестриктив):

• 
  очиқ бозорда давлатнинг қимматбаҳо қоғозларини сотади;
  
• 
  ҳисоб ставкасини оширади;
  
• 
  резерв нормасини оширади.
  

Қиммат баҳо пул сиёсати пул таклифини қисқартириш орқали, кредитни қиммат ва қийин эгалланадиган қилиб қўяди. Натижада инвеститция қисқартирилиши орқали, жами талаб камаяди ва инфляция чегараланади.
Кейсанчилар назариясига асосан монетар сиёсати асосини фоиз ставкалари даражаси асос қилиниши керак, монетаристлар фикрича эса пул таклифининг даражаси ташкил этиши керак. Кейсанчилар бозор иқтисодиётини тартибга солишда давлат аралашуви шарт деб ҳисоблайдилар, монетаристлар эса уни инкор этадилар.
Бозор иқтисодиёти шароитида Ўзбекистонда пул кредит сиёсатида иккита моделни синтез қилинган варианти қўлланилади. Узоқ муддатли даврда монетаристик пул–кредит сиёсати қўлланилади. Қисқа муддатли даврда эса фоиз ставкалари асосида фискал пул–кредит сиёсатидан фойдаланилади.
«Банк ишини янада такомиллаштириш аҳоли ва хўжалик юритувчи субъектларнинг бўш маблағларини тижорат банклари депозитларига, жалб қилинишини рағбатлантириш ишлари ҳам 2009 йилда устувор вазифа бўлиб қолади»⁵ деган эдилар Республика Президенти И.А.Каримов.
Банклар зиммасига инвестиция фаолиятини кенгайтириш вазифалари юклангани сабабли уларнинг ишини тубдан қайта ташкил этиш лозим.

3.