Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Qon bilan ta’minlanishi. O‘n ikki barmoq ichakning boshlang‘ich va oxir-
gi qismlaridan tashqari barcha bo‘limlari oldingi va orqa arterial ravoqlardan qon
oladi. Bu ravoqlar qorin arteriya o‘zanini yuqori tutqich arteriyasi bilan bog‘lovchi
to‘rtta arteriyadan hosil bo‘ladi. Oshqozon-o‘n ikki barmoq arteriyasi
(a.gastroduodenalis) dan ikkita yuqori: oldingi va orqa oshqozon osti-o‘n ikki
barmoq arteriyalari (aa.pancreaticoduodenales superiores anterior et posterior);
yuqori tutqich arteriyasidan ikkita pastki: oldingi va orqa oshqozon osti-o‘n ikki
barmoq arteriyalari (aa.pancreaticoduodenales inferiores anterior et posterior)
(188-rasm) boshlanadi. Oldingi yuqori va pastki arteriyalar oldingi ravoqni, orqada-
gi yuqori va pastki arteriyalar orqa ravoqni hosil qiladi. Oldingi arterial ravoq o‘n
ikki barmoq ichakning botiq tomoniga parallel holda oldingi oshqozon osti-o‘n
ikki barmoq egatida yoki oshqozon osti bezi boshchasining oldingi yuzasida joy-
lashadi. Orqa arterial ravoq oshqozon osti bezi boshchasining ichida yoki orqa
yuzasida joylashadi. Arterial ravoqlardan ularga perpendikulyar yo‘nalishda yon
tomonlarga: o‘ngga – o‘n ikki barmoq ichakka, chapga – oshqozon osti beziga
shoxlar chiqadi (188-rasm).
O‘n ikki barmoq ichakning yuqorigi bo‘lagini yana qo‘shimcha
a.gastroepiploica dextra, gastroduodenalis, a.gastrica dextralarning shoxlari,
oxirgi bo‘lagini – och ichak arteriyasi hamda bevosita yuqori tutqich arteriyasidan
chiquvchi shoxlar ta’minlashda ishtirok etadi.
Vena qoni shu nomdagi juft venalar bo‘ylab yuqori tutqich va taloq venalari
sistemalariga, ulardan darvoza venasiga oqib ketadi.
Limfa tomirlari yuqori va pastki oshqozon osti-o‘n ikki barmoq limfa tu-
gunlari (lnn.pancreaticoduodenales superiores et inferiores) ga quyiladi.
194-rasm. Umumiy o‘t yo‘li
v a o s h q o z o n o s t i b e z i
yo‘lining o‘n ikki barmoq
ichakka quyilish variantlari
1–umumiy o‘t yo‘li; 2–
Virsung yo‘li; 3–oshqozon
osti bezi; 4–o‘n ikki barmoq
ichakning shilliq qavati.

---