“Tong sirlari”

3-band:
1-misra: “Ko`lanka kabidir o`tgan yeridan”. “Go`zal Turkiston” (1997), Uch jildlik asarlar (1993) da kabidir so`zidan so`ng nuqtali vergul qo`yilgan. “Tong sirlari” (1926), “Bahorni sog`indim” (1988) da kabidir so`zidan so`ng ikki nuqta qo`yilgan. “Yana oldim sozimni” (1991), Tanlangan asarlar (2016) to`plamlarida kabidir so`zidan so`ng vergul ishlatilgan. Kabidir so`zidan so`ng ikki nuqta qo`yilishi o`rinli. Chunki, shaklan tugallangan, lekin mazmunan keyingisi birinchisining mantiqiy davomi bo`lgan bog`lovchisiz qo`shma gaplardan so`ng ikki nuqta qo`yiladi. “Tong sirlari” (1926), “Bahorni sog`indim” (1988), Tanlangan asarlar (2016) da misra oxirida vergul qo`llanilgan. Vergul ishlatilishini o`rinli deb hisoblaymiz, chunki keyingi misra kirish gap bilan boshlangan. Qolgan to`plamlarda esa hech qanday tinish belgisi ishlatilmaydi.
2-misra: “So`ngra qarasangiz bir nishon qolmas”. “Tong sirlari” (1926), “Bahorni sog`indim” (1988), “Yana oldim sozimni” (1991), “Go`zal Turkiston” (1997), Uch jildlik asarlar (1993) da misra oxiriga nuqta qo`yilgan. Tanlangan asarlar (2016) da esa misra so`ngida vergul ishlatilgan. So`ngra qarasangiz so`zidan so`ng Tanlangan asarlar (2016), “Go`zal Turkiston” (1997), “Yana oldim sozimni” (1991) to`plamlarida vergul ishlatilgan. Bu to`g`ri bu jumla kirish gap hisoblanadi va vergul bilan ajratiladi. “Tong sirlari” (1926), “Bahorni sog`indim” (1988), Uch jildlik asarlar (1993) da esa so`ngra qarasangiz jumlasidan so`ng hech qanday tinish belgisi ishlatilmagan.
3- misra: “Yurgan yerlaridan oziq ham olmas”. “Tong sirlari” (1926), “Go`zal Turkiston” (1997), “Bahorni sog`indim” (1988), “Uch jildlik asarlar” (1993) to`plamlarida misra oxiriga nuqta qo`yilgan. “Yana oldim sozimni” (1991), Tanlangan asarlar (2016) da esa vergul ishlatilgan.
4-misra: “Shunda zerikamen uning sayridan”. Barcha to`plamlarda misra oxiriga ko`p nuqta qo`yilgan. Bu esa shoirning yana hayolga berilgani isbotidir.