“Tong sirlari”

7-band:
1-misra: “Shunday go`zallikni! Attang, agar men”. Barcha to`plamlarda go`zallikni so`zidan so`ng undov belgisi qo`llangan. Barcha to`plamlarda attang so`zi kirish so`z bo`lganligi uchun undan so`ng vergul ishlatilishi o`rinli. “O`zbek tili va adabiyoti” (1967) jurnalida bu so`zdan so`ng hech qanday tinish belgisi ishlatilmagan.
2-misra: “Rassom bo`lsam edi, chizib berardim”. “Tong sirlari” (1926), “Go`zal Turkiston” (1997), “Yana oldim sozimni” (1991), Uch jildlik asarlar (1993), Tanlangan asarlar (2016) to`plamlarida, “O`zbek tili va adabiyoti” (1967) jurnalida misra oxirida vergul ishlatilgan. “Bahorni sog`indim” (1988) da misra oxirida nuqta qo`yilgan. Barcha nusxalarda edi to`liqsiz fe`lidan so`ng vergul qo`llanilgan.
3-misra: “O`xshash nusxa bilan yozib berardim”. “Tong sirlari” (1926), “Bahorni sog`indim” (1988), “Yana oldim sozimni” (1991), Tanlangan asarlar (2016) to`plamlarida, “O`zbek tili va adabiyoti” (1967) jurnalida misra oxirida nuqta qo`llanilgan. Ikki to`plamda: “Go`zal Turkiston” (1997), Uch jildlik asarlar (1993) to`plamlarida misra oxirida vergul qo`llanilgan. “Tong sirlari” (1926), “Bahorni sog`indim” (1988), Uch jildlik asarlar (1993) to`plamlarida bilan ko`makchisidan so`ng vergul ishlatilgan. Bu noto`g`ri. Nomi zikr etilmagan to`plamlarda esa vergul ishlatilmagan va biz ham shuni asosli deb hisoblaymiz.

5. 
   “Shu ojiz holimda shoirmanmi men?..” O`rganish uchun olingan barcha to`plamlarda misra oxirida so`roq belgisi, ko`p nuqta qo`yilib, qo`shtirnoq berkitiladi. (?..”) “Tong sirlari” (1926), “Bahorni sog`indim” (1988), Uch jildlik asarlar (1993) da holimda so`zidan so`ng vergul ishlatilgan.