“Tong sirlari”

4-band:
1-misra: “Bir zamon bir shirin joyga yetganda”. Tanlangan asarlar (2016) da misra oxirida hech qanday tinish belgisi ishlatilmagan. Qolgan tekshirish uchun olingan barcha nusxalarda misra oxirida vergul ishlatilgan. Bog`lovchisiz qo`shma gap orasida bir paytda sodir bo`lgan harakat-holat ifodasi sifatida vergul ishlatilishi o`rinli.
2-misra: “Nariga o`tmasdan to`xtab qoladir”. “Tong sirlari” (1926), “Bahorni sog`indim” (1988) to`plamlarida misra oxiriga ikki nuqta qo`yilgan. “Yana oldim sozimni” (1991) to`plamida misra oxirida vergul ishlatilgan. Uch jildlik asarlar (1993), “Go`zal Turkiston” (1997), Tanlangan asarlar (2016) to`plamlarida, “O`zbek tili va adabiyoti” (1967) jurnalida misra oxiriga nuqtali vergul qo`yilgan. Biz ham nuqtali vergul qo`yilishi o`rinli deb hisoblaymiz. Chunki bu bog`lovchisiz qo`shma gap bo`lganligi sabab, keyingi misradan sezilarli mustaqil bo`lib, bir-biriga mazmunan bevosita yaqin bo`lmaganligi sabab qo`yiladi.
3-misra: “Oshiqdek yastanib yotib oladir”. Barcha to`plamlarda misra oxiriga ko`p nuqta qo`yilgan. Muallifining o'ylanib qolish, ikkilanish, hayajonlanish kabi holatlarini ko'rsatish uchun ko'p nuqta qo`yilishi to`g`ri. “Go`zal Turkiston” (1997) va Tanlangan asarlar (2016) da yastanib so`zidan so`ng tinish belgisi ishlatilmaydi. Qolgan to`plamlarda bu so`zdan so`ng vergul ishlatilgan.
4-misra: “Shu choqda qiynalish boshlanar menda”. Barcha to`plamlarda misra oxiriga nuqta qo`yilgan. Bu tugallangan darak gapdir.