“Tong sirlari”

2- band:
1-misra: “Uchadir… uchadir ming qabat ko`kni”. Hamma to`plamlarda uchadir so`zlaridan so`ng ko`p nuqta qo`yilgan. Muallifining o'ylanib qolish, ikkilanish, hayajonlanish kabi holatlarini ko'rsatish uchun ko'p nuqta qo`yilishi to`g`ri. Misra oxiriga “Tong sirlari” (1926), “Bahorni sog`indim” (1988), Uch jildlik asarlar (1993) to`plamlarida vergul qo`yilgan. “Go`zal Turkiston” (1997), Tanlangan asarlar (2016), “Yana oldim sozimni” (1991) to`plamlari, “O`zbek tili va adabiyoti” (1967) jurnalida misra oxirida hech qanday tinish belgisi ishlatilmagan. Bu to`g`ri. Chunki bu misra keyingi misra bilan birga bitta sodda gap hisoblanadi.
2-misra: “Bir boshdan siypalab o`ta beradir”. Barcha to`plamlarda misra oxiriga nuqta qo`yilgan.
3- misra: “Zerikmay, erinmay keta beradir”. “Tong sirlari” (1926), “Bahorni sog`indim” (1988), Uch jildlik asarlar (1993), “Go`zal Turkiston” (1997), Tanlangan asarlar (2013), “Yana oldim sozimni” (1991) to`plamlarida misra oxiriga vergul qo`yilgan. Tanlangan asarlar (2016) va O`zbek tili va adabiyoti (1967) jurnalida misra oxirida tinish belgisi ishlatilmagan. Biz ham keyingi misra bilan bitta gapni tashkil qilgan bu misrada vergul ishlatilmasligi zarur degan fikrdamiz. Barcha to`plamlarda zerikmay so`zidan keyin vergul ishlatilgan va buni o`rinli deb hisoblaymiz. Chunki zerikmay va erimay so`zlari uyushiq hol hisoblanadi.
4-misra: “Ba`zan hovliqtirib jinni yurakni”. Hamma to`plamlarda misra oxiriga ko`p nuqta qo`yilgan. Bu esa shoirni yana o`ylarga berilganligini ifodalashga xizmat qilganligi uchun ko`p nuqtani ishlatilishini to`g`ri deb hisoblaymiz. “Tong sirlari” (1926), “Go`zal Turkiston” (1997), Uch jildlik asarlar (1993) da ba`zan so`zidan so`ng vergul ishlatilgan. Bu noto`g`ri. Gapda ba`zan payt holi vazifasida kelgan.