“Tong sirlari”

6-band:
1-misra: “Anglatish qo`limdan kelmay qoladir”. “Tong sirlari” (1926), Uch jildlik asarlar (1993), “Bahorni sog`indim” (1988) to`plamlarida, “O`zbek tili va adabiyoti” (1967) jurnalida misra oxirida nuqta qo`llanilgan. Ayni shu to`plamlarda anglatish so`zidan so`ng vergul ishlatilgan. “Yana oldim sozimni” (1991), “Go`zal Turkiston” (1997), Tanlangan asarlar (2016) da misra oxirida vergul ishlatilgan.
2-misra: “Shu choqda tillarim kaldirab ketib”. Barcha nusxalarda misra oxirida vergul ishlatilgan.
3-misra: “Borlig`im yo`qlikka g`aldirab ketib”. Tanlangan asarlar (2016) da, “O`zbek tili va adabiyoti” (1967) jurnalida misra oxirida vergul ishlatilgan. Qolgan barcha tekshirish uchun olingan to`plamlarda hech qanday tinish belgisi ishlatilmagan. “Tong sirlari” (1926), “Yana oldim sozimni” (1991), “Go`zal Turkiston” (1997), “Bahorni sog`indim” (1988) to`plamlarida borlig`im so`zidan so`ng tire qo`llanilgan. Uch jildlik asarlar (1993) da esa borlig`im va yo`qlikka so`zlari juft so`z sifatida qaralib, orasida chiziqcha qo`llanilgan.
4-misra: “Deymanki: “Boshqalar bilmay qoladir” ”. Barcha to`plamlarda deymanki so`zidan so`ng ikki nuqta qo`yilgan. Ushbu to`plamda esa bu so`zdan so`ng vergul ishlatilgan. Deymanki so`zi ko`chirma gapning qismi (muallif gapi) bo`lganligi uchun vergul emas, ikki nuqta qo`yilishi o`rinli hisoblanadi. Bu so`zdan keyin kelgan gap qo`shtirnoq ichida yozilishi zarur. “Tong sirlari” (1926), “Bahorni sog`indim” (1988), “Yana oldim sozimni” (1991), “Go`zal Turkiston” (1997), Uch jildlik asarlar (1993) da, “O`zbek tili va adabiyoti” (1967) jurnalida boshqalar so`zidan so`ng qo`shtirnoq ochilgan va misra oxirida tire qo`llangan.