“Tong sirlari”

5-band:
1-misra: “Chunki xayolimning ko`zlari bilan”. “Tong sirlari” (1926), “Bahorni sog`indim” (1988), Uch jildlik asarlar (1993) da misra oxirida va chunki bog`lovchisidan keyin vergul ishlatilgan. “Yana oldim sozimni” (1991), “Go`zal Turkiston” (1997), Tanlangan asarlar (2016) da, “O`zbek tili va adabiyoti” (1967) jurnalida misra oxirida ham, chunki so`zidan keyin ham vergul ishlatilmagan. Chunki bog`lovchisidan keyin vergul ishlatilmaydi.

2-misra: “Bir go`zal holatni ko`rib turamen”. “Tong sirlari” (1926), Uch jildlik asarlar (1993) to`plamlarida misra oxirida nuqtali vergul ishlatilgan. Tanlangan asarlar (2016), “Go`zal Turkiston” (1997), “Yana oldim sozimni” (1991) va “Bahorni sog`indim” (1988) to`plamlarida, “O`zbek tili va adabiyoti” (1967) jurnalida misra oxiriga vergul qo`yilgan.

3-misra: “Lazzatga g`arq bo`lib o`lib turamen”. “Tong sirlari” (1926), “Yana oldim sozimni” (1991), “Bahorni sog`indim” (1988), “Go`zal Turkiston” (1997), Uch jildlik asarlar (1993) da, “O`zbek tili va adabiyoti” (1967) jurnalida misra oxiriga nuqta qo`yilgan. Tanlangan asarlar (2016) da misra oxirida hech qanday tinish belgisi ishlatilmagan. “Tong sirlari” (1926), “Bahorni sog`indim” (1988), “Yana oldim sozimni” (1991), Uch jildlik asarlar (1993) da, “O`zbek tili va adabiyoti” (1967) jurnalida “g`arq bo`lib” qo`shma fe`lidan so`ng vergul ishlatilgan.
4-misra: “U holni borliqning so`zlari bilan”. “Tong sirlari” (1926), “Go`zal Turkiston” (1997), Uch jildlik asarlar (1993) to`plamlarda misra oxirida tire ishlatilgan. Tanlangan asarlar (2016) da misra oxiriga nuqta qo`yilgan. “Yana oldim sozimni” (1991) to`plamlarida, “O`zbek tili va adabiyoti” (1967) jurnalida hech qanday tinish belgisi ishlatilmagan.