Tibbiyot instituti talabalari uchun

14.3. Bahsli jinsiy holatlar va jinsiy jinoyatga oid sud tibbiyoti ekspertizasi
Bunday ekspertiza maxsus tayyorgarlikdan o’tgan sud tibbiyoti ekspertlari 
yoki akusher-ginekologlar, urolog va venerologlar ishtirokida komission holda 
o’tkaziladi. Bunda ekspertiza o’tkazishdan oldin ko’zdan kechiriluvchining shaxsi 
aniqlaniladi. 16 yoshga etmaganlarni ko’zdan kechirishda esa ularning tug’ilish 
guvohnomasiga qarab, ota-onasi, qonuniy vakili yoki o’qituvchilarning ishtiroki 
talab qilinadi.
Akusher-ginekologik tekshiruv maxsus ginekologik kursisida amalga 
oshirilib, agar ekspertiza birgina sud-tibbiyoti eksperti tomonidan o’tkazilayotgan 
bo’lsa, unda feldsher va hamshiraning ishtiroki, albatta, zarur. Voqea sodir bo’lgan 
joyda bo’lgan jabrlanuvchi va shubhalanuvchining kiyimlari tergov organlarining 
vakillari tomonidan sud tibbiyoti laboratoriyasiga tekshirish uchun jo’natiladi.
Jinsiy jinoyatga oid ekspertizada jabrlanuvchidan tashqari, shubhalanuvchi 
ham ko’zdan kechiriladi. Ba’zan ko’zdan kechiriluvchi tekshirish uchun maxsus 
davolash muassasasiga (masalan, ginekologik kasalxonaga, teri-tanosil 
dispanseriga) jo’natiladi. Bunday tekshiruv natijalari sud tibbiyoti ekspertiga 
ma’lum qilinadi.
14.3.1. Jinsini aniqlash
Bunday ekspertiza chaqaloq tug’ilayotganda jinsini noto’g’ri aniqlanganda, 
harbiy hizmatga chaqirilayotganda, maxsus bilim yurtlariga kirayotganda, nikohni 
bekor qilishda, jinsiy buzuqilik va jinsiy jinoyat hollarida, alimentni belgilashda 
o’tkaziladi. Bunday hollarda germafroditizm to’g’risidagi tushunchaga ega bo’lish 
muhim ahamiyatga ega.
Germafroditizm (ikki jinsli) bu bir odamda ham erkaklik va xotinlik 
belgilarining bo’lishi bilan xarakterlanadi. U 2 turga bo’linadi: 1) haqiqiy; 2) soxta. 
Soxta germafroditizm ko’proq uchrab u ham soxta erkaklik va xotinlik 
375

---

germafroditizmi bilan farqlanadi.