Терроризм ва экстрамизм дунё ҳамжамияти учун ҳанузгача асосий таҳдидлардан бири бўлиб қолмоқда. Инсоният ҳамон диний мутаассиблик, радикализм, зўравонлик ва терроризм хуружларидан азият чекиб келмоқда

2.3. Диншунос мутахассиснинг ташқи кўриниши, хулқ-атвори, ўзини тутиш қоидалари ва нутқий маҳорати
Диншунос-мутахасиснинг ташқи кўриниши оддий ва содда кўринишда бўлиши, ўта дунёвий ёки расмий бўлмаслиги (бўйинбоғ, жиддий расмий костюм кабилардан холи бўлиши), орган ходимларидан ажралиб туриши учун имкон қадар баъзи диний элементлар билан қуролланган бўлиши (дўппи, қўлида Қуръон ва бошқа шунга ўхшаш буюмлар) тавсия этилади.
Тузатиш ишлари бўйича мутахасиснинг хулқ-атвор нормалари масаласига келсак, илк бошдан очиқ бўлмаган шаклда фаолият олиб боришга келишиб олиш йўли танланган. Бундай иш услубининг ўзига яраша ижобий ва салбий томонлари мавжуд. Ижобий томонларига ҳаракатчанлик, турли давлат органларига шунингдек, диний қатлам вакилларга боғланиб қолмаслик, аҳолининг қуйи қатламлари орасида эркин ҳаракат қилиш имконияти кабиларни киритиш мумкин. Салбий томонлари сифатида эса жамоаларга мослашиш жараёнининг узоқ вақт талаб қилиши, доимо ўзингнинг ким эканлигин ва мақсадинг нима эканлигини тушунтиришга тўғри келиши кабиларни келтириш мумкин. Бироқ “мослашиш” давридан сўнг очиқ бўлмаган иш услуби дерадикаллаштиришда ўз самарасини кўрсатганини кузатиш мумкин.
Мутахассис амал қилиши тавсия этиладиган нутқий маҳорат ва лексик воситаларга араб тилини камида бошланғич даражада билиш, арабий иборалар, диний атамаларни билиш ва уларни суҳбат давомида самарали қўллай олиши кибиларни киритиш мумкин. Мутахассис диндор тилида гапираётган амалиётчи мусулмонни фикрлар орқали йўналтириши лозим. Агар мутахассис жавоб бераолмайдиган саволлар пайдо бўлса у Имом Моликнинг “Мен билмайман” деган сўзларини илова қилиши мумкин. Шу билан бирга, келгуси суҳбатда саволларга жавоб бериши ҳақида айтиши мумкин. Суҳбатлар, айниқса биринчи суҳбат “қуруқ” яъни илмий ва академик услубда, ҳис-туйғулар, айбловлар ҳамда объектнинг шаъни, қадр-қимматини таҳқирлашларсиз ўтказилиши лозим.

2.4. Индивидуал ва жамоавий суҳбат
Баъзан радикал жиноий шериклари билан бирга қўлга олинади ёки улар билан бир жойда сақланади. Бундай ҳолда суҳбат ҳар бир шахс билан алоҳида ёки жамоавий тарзда ўтказилиши борасида савол туғилади. “Ансар” жамоат бирлашмасининг шуни кўрсатмоқдаки, жамоавий суҳбат давомида жамоавий фикрни ушлаб туради ва бундай холатда ижобий натижага эришиш жуда қийин бўлади. Шунинг учун гуруҳнинг ҳар бир аъзоси билан алоҳида суҳбат ўтказиш тавсия этилади. Бир қанча вақт ўтгандан сўнг қаршиликни йўқотиш учун жамоавий суҳбат ўтказиш ва алоҳида суҳбатлар давомида вужудга келган саволларни ўртага ташлаш мумкин.