Termiz davlat universiteti iqtisodiyot va menejment kafedrasi

Ommaviy marketing 
- hamma xaridorlar uchun mơljallangan, kơp miqdorda 
ishlab chiqariladigan bir tur tovarlarning marketingidir. Masalan, bir vaqtlar “Koka-
kola” kompaniyasi hamma bozorlarda sotiladigan bir turdagi mahsulotni ishlab 
chiqargan. Bunday yondashuv mahsulotlarni eng past narxda sotishga imkon beradi. 
Differentsiyalashtirilgan marketing 
deganda hamma xaridorlar uchun 
mơljallanib, lekin har xil xususiyatga ega bơlgan, bir necha xil mahsulotlarning 
ishlab chiqarilishi va marketingi bilan tavsiflanadigan marketing turi tushuniladi. 
Masalan, hozirgi kunda “Koka-kola” kompaniyasi har xil qadoqlangan bir necha tur 
spirtsiz gazlashtirilgan ichimliklar ishlab chiqarmoqda. 
Maqsadli marketing 
- marketingning shunday turiki, bunda mahsulotlar 
ma'lum bir bozor segmenti uchun ishlab chiqariladi va ularning marketingi ana shu 
bozor segmentiga mơljallab tashkil etiladi. 
Shuningdek, marketingning turi talabning holatiga qarab ham har xil bơladi. 
Ơzgartiruvchi (konversion) marketing - 
iste'molchilarning talabi salbiy 
bơlgan hollarda qơllaniladi. Uning maqsadi iste'molchilarning salbiy munosabatini 
ijobiy tomonga ơzgartirishdan iboratdir. Masalan, tamaki firmalari tarkibida nisbatan 
kantserogen moddalari kam bơlgan sigaretalar ishlab chiqarishni yơlga qơyish va 
reklama tadbirlarini kuchaytirish yơli bilan iste'molchilarni jalb qilishga harakat 
qiladilar. 
Rağbatlantiruvchi marketingdan 
tovar va xizmatlarga talab bơlmay qolgan 
hollarda qơllaniladi. Rağbatlantiruvchi marketingning asosiy instrumenti - narxlarni 
keskin pasaytirish, reklamani kuchaytirish va tovarni siljitishning samarali 
uslublaridan foydalanishdir. 
Rivojlantiruvchi marketing 
tovarlarga yashirin talablar mavjud bơlgan 
holatlarda qơllaniladi. Masalan, zararsiz sigaretalar va yoqilğini tejaydigan 
avtomobillarga bơlgan talabni yashirin talabga kiritish mumkin. Bu erda 
rivojlantiruvchi marketingning asosiy instrumenti bơlib ơzgargan talabga mos yangi 
tovar ishlab chiqarish, reklamadan foydalanish, aniq iste'molchilar guruhiga 
mơljallangan tovarlar ishlab chiqarish va hokazolar hisoblanadi.