Термиз давлат университети «ахборот технологиялари» кафедраси

Қидирув тизимлари (Yandex, Google)нинг қўшимча функциялари. Google ва Yandex қидирув тизимларининг, қидирувдан ташқари бошқа вазифалари ҳам мавжуд. Бошқа вазифалар деганда қўшимча хизматлар назарда тутилмоқда. Агар шу икки қидирув тизимини яхшилаб ўрганиб олсангиз, бошқа қидирув тизимларининг кераги ҳам бўлмай қолади, нафақат қидирув тизимларини балки, калькулятор, луғат, соат ва ҳаказолар.
Демак, қидирув тизимлари (Google, Yandex)нинг қўшимча функциялари билан танишамиз.
Калькулятор. Исталган математик амални қидирув тизимлари (Google, Yandex) орқали ҳисоблаш мумкин экан. Қидирув жойига керакли математик ифодани ёзасиз ва Enter тугмасини боссангиз сизга, математик ифодани натижасини кўрсатиб беради, ҳаттоки, кейинги амалларни ҳисоблаш учун чиройли калькулятор ҳам чиқаради.
Мисол учун, 125+45-100 ифодани Google’га ёзамиз ва натижани кўрамиз:

2.1.-расм. Google қидирув тизимида Калькуляторнинг кўриниши
Бу амални Yandex.ru сайтига ҳам ёзиб, натижани кўрамиз:

2.2.-расм. Yandex қидирув тизимида Калькуляторнинг кўриниши
Конвертер. Google ва Yandex қидирув тизимлари бир катталикдан иккинчисига ўтказишни амалга ошириб беради, фақат тўғри ёзиш лозим. Мисол учун, Google’га «150 дюймов в см» ёзувини киритамиз ва натижани кўрамиз.

2.3.-расм. Google қидирув тизимида Конверторнинг кўриниши
Худду шу ёзувни, Yandex’га ҳам киритамиз.

2.4.-расм. Yandex қидирув тизимида Конверторнинг кўриниши
Таржимон функцияси. Агар сиз Хорижий тилдан маълумотни таржима қилишга қийналсангиз, бу учун сизга қандайдир луғат ёки дастур керак бўлмайди, ҳаттоки таржимон сайт ҳам керак эмас, ҳаммаси юқорида айтиб ўтилган икки қидирув тизимида бу хусусият мавжуд.
Вақтни билиш. Яна бир функция, сиз яшаётган жойнинг аниқ вақтини билиш учун Yandex қидирув тизимига “время” деган сўзни киритинг ва аниқ вақтни билинг.
IP адресингизни билиш. Бу ҳам Yandex’да ишлайди. Қидирув жойига «Мой айпи» деб ёзасиз ва ўз IP адресингизни билиб оласиз.