Термиз давлат университети «ахборот технологиялари» кафедраси

Амиго браузери
Амиго браузери Mail.ru Group маҳсулоти ҳисобланади. Кўпчилик бу браузерни ўрнатмайди, лекин ўзидан ўзи компьютерга ўрнатилиб қолади ёки қизиқиш учун ўрнатиб кўришади, лекин қандай қилиб ўчиришни билишмайди. Нима сабабдан ўчириш керак? деган савол туғилиши табиий, чунки бу браузер бир неча ижтимоий тармоқлар билан бирга ишлайди, барчаси билан уланиб туради, қандайдир янгиланишларни автомат кўчириб туради, хуллас катта ҳажмдаги трафигингизни йўқ бўлишига сабаб бўлади. Яхшилаб созлаш ишларини олиб борсангиз, бундай бўлмаслиги мумкин, лекин уни созлагандан кўра, бошқа браузерни ишлатиш яхшироқ.
Бу браузер бирор дастур ёки exe файлни интернетдан кўчириб олиб, компьютерда ишга туширганингизда автомат ўрнатилиб қолмоқда, лекин ўрнатиш ҳақида кўримсиз тарзда огоҳлантиради, аҳамият бермасангиз, автомат юкланиб, ишни бошлаб юборади, қўшимча дастурларни(ижтимоий тармоқ дастурларини) ҳам ўрнатиб ташлайди. Демак, Амиго браузерини ўчирамиз, унинг учун дастурларни ўчирадиган ойнани очиб оламиз. Бунинг учун:

1. 
   Пуск -> Панель управления -> Программы и компоненты буйруқларини бажаришингиз лозим. Ёки Пуск тугмасини босиш орқали Выполнить банди танланади.
   
2. 
   Ёки «Win+R» тугмаларини босиш орқали Выполнить мулоқот ойнасини ишга тушириш мумкин.
   
3. 
   Бу мулоқот ойна Открыть майдонига «appwiz.cpl» деб ёзишингиз керак бўлади. Натижада дастурларни ўчириш ёки ўзгартириш мулоқот ойнаси очилади.
   
4. 
   Ўрнатилган дастурлар ичидан «Амиго» дастурини танлаймиз ва сичқонча ўнг томонини босиб, «Удалить» буйруғини босамиз.
   
5. 
   Шундан сўнг, дастур компьютердан ўчирилишни бошлайди, лекин тўлиқ ўчмайди, чунки Mail.ru Update процесси ишлайверади. Энди, қолиб кетган процессни ўчирамиз.
   
6. 
   «Диспетчер задач» мулоыот ойнасини ишга тушириб, бунинг учун CTRL+ALT+DEL ёки CTRL+SHIFT+ESC қўшма тугмалари босилади.
   
7. 
   «Процессы» вкладкасига ўтилади ва «Mail.ru Update» процесси танланади.
   
8. 
   Сичқонча ўнг томони босилиб, «Открыть место хранения файла» буйруғи танланади, шундан сўнг Mail.ru Update процесси ишлаётган папка очилади, бу файлни ўчириб бўлмайди, чунки ишламоқда, лекин очилган бу папкани ёпиб юборманг, бироздан кейин керак бўлади.
   
9. 
   Процесс ишини тугатамиз, «Диспетчер задач» ойнасига қайтиб, «Mail.ru Update» процессини танлаб, сичқонча ўнг томонини босиб, «Завершить процесс» буйруғини танлаймиз ва процессни тўхтатамиз. Шундан сўнг, очиқ ҳолда турган папка ичидаги «MailRuUpdate.exe» файлини ўчириб ташлаймиз.
   
10. 
    Охирги қадам, Windows операцион тизим “автозагрузка”сидан олиб ташлаймиз. Бунинг учун қуйидаги амалларни бажарилади.
    
11. 
    Win+R -> msconfig буйруқларини бажариб «Автозагрузка» вкладкасига ўтамиз, «MailRu Update» ёзувини топамиз ва белгилашни (нишонни) олиб ташлаймиз, сўнг компьютерни қайта юклаймиз.
    

Ушбу вазифаларни бажарсангиз, Амиго браузерини батамом учириб ташлаган бўласиз.
Топшириқлар:

1. 
   Назарий қисмда берилган маълумотлар билан танишиб чиқинг.
   
2. 
   Амалий қисмда берилган вазифаларни бажаринг.
   
3. 
   Қўшимча Интернет ресурслар орқали браузер дастурларининг ишлаш тамойилларини ўрганинг ва дафтарга қайд этинг.
   
4. 
   Интернет тармоғидан фойдаланган ҳолда Амиго, Opera, Mozilla Firefox, Internet Explorer браузер дастурларининг ишлаш технологияси билан танишиб чиқинг ва дафтарга қайд этинг.