Термиз давлат университети «ахборот технологиялари» кафедраси

1.3.-расм. Яндекс браузерининг интерфейси


Амалий қисм:
Браузерлар ишлаш технологияси.
Одатда, браузерлар веб-саҳифа кодларини форматланган тасвир кўринишига ўгирган ҳолда бизга тақдим этади. Оммабоп браузерлар бунинг учун турли дастур ва асбоблардан фойдаланади. Масалан, Chrome ва Opera браузерлари Blink дастурини ишлатса, Safari эса Webkit’ни танлаган. Firefox браузерида эса 1997 йилда ишлаб чиқарилган Gecko дастури қўлланади.
Mozilla Firefox браузернинг ишлаш сифатини узлуксиз такомиллаштириб бормоқда. Яқинда браузер дастурчилари Project Quantum деб номланган лойиҳани ишга туширишди. Лойиҳа доирасида Gecko дастури муайян вақт давомида Servo дастурига алмаштирилади.
Servo браузер дастури ўтмишдошига қараганда бир неча баравар тезроқ ишлаши қайд этилмоқда. У мураккаб график саҳифани 60 fps тезликда юклаши мумкин. Таққос учун WebKit бундай саҳифаларни 5 fps, Chrome Canary — 15 fps тезликда юклайди.
Mozilla фирмаси Firefox браузерининг Quantum орқали кучайтирилган версиясини 2017 йилда чиқариш режалаштирилган эди.
“Chrome” браузери
Энди эса “Chrome” браузери тўғрисида маълумот берамиз ва агар “Chrome” браузери секин ишлайдиган бўлиб қолса қандай вазифаларни амалга ошириш керак.
Баъзида “Chrome” браузери секин ишлайдиган бўлиб қолади. Бунинг оқибатида сайтлар секин очилади ёки браузер сўровингизга узоқ ўйланиб жавоб қайтаради. Шундай ҳолларда ташвишланишга ҳожат йўқ. “Chrome” браузерининг тезроқ ишлашини таъминлаш учун қуйидаги оддий тавсияларимизни амалга оширишингиз етарли бўлади. 
Плагинларни ўчиринг. Одатда браузерга кўплаб плагинлар олдиндан ўрнатилган бўлади, улар қаторида мультимедиа файлларини кўришни таъминловчи “Flash”, “Java”, “Silverlight” ва “Windows Media” плагинларини санаб ўтиш мумкин. Фойдаланиш жараёнида плагинлар рўйхати кенгайиши мумкин, бироқ уларнинг ҳаммаси ҳам зарур бўлмайди.
1. Браузернинг манзил ёзиладиган сатрига “about:plugins” деб ёзинг.
2. Сичқонча ёрдамида “Отключить” ёзуви туширилган кўрсаткични босиб, ортиқча плагинларни ўчиринг. Плагинни ўчирганингизда сиз танлаган кўрсаткич ранги кулранг бўлиб қолади ва “Включить” ёзуви пайдо бўлади.